نونو فى اول يوم مدرسة

Monday, June 11, 2007

دا كارت صداقة لكل اصحابى واصدقائى اللى بموت فيهم والمدونين جيرانى اللى بيزورونى كل شوية ويفتحوا عليا باب المدونة أنا مبسوطة بجد لأن الموضوع اللى كان م ضايقنى من كام يوم اتحل ببساطة ومديرتى المتآنقة فتحت معايا حوار راقى جدا وتبادلنا وجهات النظر ووضعنا مشروع الثقة بيننا ... وبالمناسبة دى انا اتفائلت شوية وقلت اشرككم معايا فى فرحى ولا هو يعنى " فى حزنكم مدعية وفى فرحكم منسية " انتم حبايبى واستحملتونى لما اضايقت وزعقت وادينى لما هديت قلتلكم عشان متقلوقش عليا .... بحب ربنا قوى لأنه واقف معايا قوى قوى ..


11 comments:

reem said...

الحمد لله ياسهى ربنا معاكى ويسعدك دايما
بس بردو متجيش على نفسك
ربنا معاكى

ميشيل حنا said...

ازيك يا سهى. يا رب تكوني فاكراني.
منورة النت كله على فكرة.

Mirage said...

يابختك عندك مديرة تعرف تفتح حوار راقى
وتتبادل وجهات النظر

دى اصلا خير دليل على ان فعلا ربنا بيحبك

بس الحمدلله
انا طول عمرى ربنا رازقنى بمديرين معاتيه
:)

هبة said...

السلام عليكم يا سهى ايه اخبارك ولو انك كاتبه عن اخبارك السعيده المفرحه
الحمدلله انك مبسوطه انا عندي احساس انك بطنتطي من الفرحهوالحمد لله انك بعدتي عن مود الكأبه المؤرف ده
ربنا يبسطك كمان وكمان واكتر واكتر
هبه محمود

سهــى زكــى said...

ريم حبيبتى ...انا فاهمة قصدك واطمنى انا لما يفيض بيا بعمل اللى انت شوفتيه من كام يوم ... فانا دلوقتى الحمدلله مظبوطة

د. ميشيل حنا ...صح بتاع برسيم دوت كوم والصحافة الجامدة والاخبار التمام ...صح ولا ايه ... يارب تكون انت واكيد انت انت وحشتينى جدا على فكرة ... وانت منورد بصحابك اللى بيكدب كتير دا ابو منقار طويل .. نورت

ميراج ... على فكرة دا اسمه آر علنى وربنا ما يجعلنا ميراج وليه عنين ... عقبالك بقى ...

سلام عليكم يا هبة يا قمر ... ربنا يسعدك يارب ويريح بالك وقلبك زى ما بتريحنى بكلامك الرقيق دا يا هبهوب...

كراكيب نـهـى مـحمود said...

قشطة يا سهى

سهــى زكــى said...

يـــــــــــــاه يا كركوبة يا صغننة من زمان مشفتش مشمشة

معاذ رياض said...

يارب تكوني دائما فرحانة وربنا ما يجبش زعل ولا ضيق ولا زعيق

سهــى زكــى said...

معاذ ... يا مراحب يا مراحب يامراحب ايه النور دا اخيرا معاذ عندى فى بيتى ها تشرب ايه يا ذوذو

ميشيل حنا said...

أيوة أنا مظبوط
بس مين صاحبي أبو منقار طويل ده؟

ميشيل حنا said...

آه انت قصدك على الصورة!
معلهش أصل الواحد مخه تخين شوية
عايز أبقى أغيرها بس مكسل
ممكن ع الألفية الجديدة كده