سهــى زكــي

اتحداك عينيك مدمعش ولا توصل لمرحلة البكاء والنهنهة وانت بتشوف لحظة تكريم الفنان القدير فاروق فلوكس.. دموع اختصرت ، حكاية عمر من الفن والحب وانا بتصفح الريلز كالعادة وبتمر قدامي مشاهد مختلفة ما بين لقطات مسلسلات علي أفلام قديمة اللي بفضلها وحكايات المسلسلات الخفيفة لفريق فني اسكندراني لممثلين وممثلات " منال و#هالة_المليجي وغادة وماجد وغيرهم من أعمال فنية لفرق مستقلة بجتهد في عالم التمثيل بجهودهم الذاتية فجاءة ظهر قدامي مشاهد فيه لحظة بكاء الفنان الكبير فاروق فلوكس وهو بيتكرم، قلبي أتهز ، روحي انسحبت مني وانا بكح بفعل دور البرد ودموعي شدت قوتها بسبب مشهد إنساني أكبر بكتير من مجرد فنان بيستلم جائزة.. شفت في دموعه عمر كامل بيعدي قدام عينيه في أقل من ثانية، وكل الجمهور اللي وقف تقديرا للحظة دي من الفنانين الكبار والشباب بكاءهم صادق ومن القلب بفرحة للفنان اللي احترم تاريخه وظل دائما حلو اللسان وعميق التفكير ، كانوا بيسقفوا له بمحبة حقيقية وعيونهم مليانة دموع، مش بس فرحانين بتكريمه، لكن كمان حاسين بقيمة المشوار اللي قطعه، وبالسنين اللي وهبها للفن وللناس ولعيلته. اللحظة دي بالذات شدتني...