المشاركات

عرض المشاركات من أبريل, ٢٠٠٧

أأأأأأأأأأأأأأأه

أأأأأأأأأأه يتقلب خدى على وسادة من لهب ، ترى عينى طيف يدغدغ خوفى اه منك يا رعشة فى حشايا لا تنتهى ، كم من مرة حلمت بك تحتضنى من خلفى تفاجئنى بقبلة وبمجرد التفاتى ..تختفى .. لليل الطويل علامات وحشة تجعلنى اضم قدمى على رأسى خوفا من اقتحامك المفاجىء لى ، لهذا الليل الطويل سلسلة من الالالم لا تنقطع الا بصوت يداعب أذنى فأشعر بقشعريرة تلسع قلبى .. أنه يتحرش بى ... ذلك الشيطان يحاول ان يدفعنى دفعا للأحساس بالفقد ... لا .. أنا لا أفتقد شيئا ... يقلبنى يمينا ويسارا ... يرفعنى لأعلى ويرزعنى لأسفل أننى متزنة ... وقورة .. أغرب عن وجهى .. أعفينى من أداء دورك .. أبتعد ********* ما أسهل ان ننظر من شرفة عالية على مشهد النيل ونعلق ببساطة ... الله ... ما اصعب ان يشعر النيل اننا نتلصص عليه ولا نشعر بأوجاعه ابدا ******* أذهبوا لتلقوا بالتحية على التماثيل الموجودة فى الميادين الكبيرة ... لاتقفوا فى ذهولكم ، فالتماثيل لا تحب الرجال المذهولين بهم ، بل ألقوا عليهم تحية رقيقة وألعنوا المثال الحقير الذى حول

كوابيس وأحلام ونيلة

اجلس بين اختى وابنتى الصغيرة نهى الكبيرة ونهى الصغيرة ، ارتعد لسبب غريب ، رأيت قططااصغيرة جدا جدا مولودة حالا ، نظرت فى فزع وانا ارتعد واقول لنهى الكبيرة ، ايه دا يا نهى حرام عليكم دول شكلهم وحش اوى ، طب شيلهم من الارض او خرجوهم برا على السلم ، فاتفاجىء ان القطط المولودة دى بتموت واحدة بعد التانية وكانوا اتنين بالتحديد اللى ماتوا ، قمت مفزوعة من النوم وانا بقول اعوذ بالله من الشيطان الرجيم ، وحاولت افسر لنفسى الحلم اللى مالوش غير تفسير واحد مالهوش علاقة بيا ان فى حد حامل او هايولد وطفله هايموت ، وماكنش على بالى ابدا ان مرات اخويا الحامل فى شهرين هى المقصودة بالحلم وفعلا اخر النهار لما رجعت البيت قالت لى نهى اختى انهم راحو للدكتور وقالهم ان الجنين واقف نموه عند شهر ونصف ولن يكتمل ودى حاجة غريبة شوية لكن حصلت وان الجنين دا عبارة عن تجمع دموى جوا كيس وممكن ينزل لوحده وكانت خيبة امل للكل ان الحمل راح ،وهو يعتبر تانى حمل يروح لمرات اخويا فى 6 شهور، طبعا كدا حلمى اتحقق وانا بقول لنفسى اعوذ بالله منى ومن احلامى وهكذا يا جماعة احلامى كلها بتتحقق والنبى ينفع كدا ومين كدا واللى كدا يقولى عشا

نداء للأدباء

ندوة اليوم السبت 21/4/2007 أولاد حارتنا دار الادباء الساعة 8مساءا - يدير الندوة الاديب فتحى امبابى - الناقد د / صلاح السروى - القاص / محمد رفيع هى الندوة الثانية لمنتدى الرواية العالمية وكانت الاولى مناقشة رواية الثلج "لأوهان باموك " وهنا الاهتمام بأربع جوانب فى قراءة النص - ماذا يقول النص - ما هى المميزات التى جعلت منه نصا يستحق جائزة - الاهتمام برصد العلاقة بين النص والنظريات النقدية - علاقة النص بالنصوص الاخرى ************ طبعا يمكن وممكن ان الواحد يزهق قوى من اللى انا هاحكيه دلوقتى ، لكن صدقونى الموضوع يستاهل أنا هاوديكو الندوة اللى انا رحتها امبا رح فى مكان رائع وساحر جدا ولكن المشكلة ان المكان دا لم يتم تنظيفه منذ اكثر من ثلاثين عام ، وتم دهان حوائطه بألوان مفزعة للعين ، ورغم م

السعادة بتسعد

السبت 21/4/2007 اجمل حاجة فى الدنيا انك تشوف حد فرحان اوى كدا من قلبه وتحس بفرحته ، عارف طبعا هاتحس بايه ، هاتفرح طبعا من غير كلام ، هاتلاقى نفسك بتقول ياه ربنا يسعده كمان وكمان ويفرحه اكتر بكل حاجة ، ولما تكون واحدة بيضا اوى كدا زى نهى محمود متقدرش تعمل حاجة تانية غير انك تقولها مبروك يا نهى وتحاول كمان تفرحها اكتر واكتر لان كل ما بتضحك وشها بيحمر وعنيها بتضيق وتمطر دموع سخنة ملهلبة على حمار خدودها فتنور قوى ، يعنى باختصار بتتحول كتلة نور جاية من مدينة الملائكة ، نهى محمود الف مبروك وقلبى فرحان قوى بيك ومحمد حسين بكر بيقولك الف مبروك يانهى واجدعنى بقى عايزين ندوات وحركات من دى واخبار هنا وهنا وحركات ، ها شدى حيلك يا جميل ************ موضوعنا بقى اللى احنا المفروض نتكلم عنه النهارده واللى بالصدفة انه مناسب جدا وقت صدور احدث رواية فى الوسط الادبى "الحكى فوق مكعبات رخام " لنهى محمود ، هو انى هاحكى لكم ندوة علاء الاسوانى اللى كانت فى نادى الصيد يوم الخميس 19/4/2007 .... الندوة كانت شبه الندوات السبعينية او الستينية تقريبا .... ادارها اثنين من مسئولى النادى ، قراء شاطرين يعنى بس

وجع

محمد صلاح العزب بما انى اكتشفت ان محدش بيدخل عندى فدا ادانى احساس بالامان انى اكتب اللى انا عايزاه من غير قلق ولا حساب لمشاعر حد ممكن يزعل ومن غير ما حد يفهم ما يفهمش ، المهم دا احساس عالى بالخصوصية رغم ان يزعل شوية ، لكن مش مشكلة ، اقدر اتكلم مع نفسى بصراحة من غير مراقبة ولا تعليق ، اولا ممكن احكى عن ندوة محمد صلاح العزب اللى كانت جميلة جدا امبارح وحسيت بسعادة حقيقية وانا شايفة فرحة وائل السمرى صاحبه بيه وازاى عايز يتكلم ويفضل يتكلم عنه من غير ما يفصل لان الكلام دا مش من عقله من قلبه واكتر حاجة بحبها طول عمرى هى الصداقة الحقيقية اللى اساسها انى احب صاحبى يمكن اكتر منى ، لان مفروغ منه ان بحبنى فلازم احسسه بحبى دا بطريقة واضحة اوى ، وائل اتكلم كلام حد دايب فى كتابة صاحبه ، عايشها وشايفها ، وكان كل ما يتوجه سؤال لمحمد ، بتلقائية شديدة يقول ، السؤال دا بقى يرد عليه وائل ، وكأن الطبيعى ان الناس تبقى فاهمه كويس ان وائل هو محمد ومحمد هو وائل وطبعا مع مراعاة ان لكل واحد منهم شخصيته المستقلة اللى واضحة جدا ودى معادل صعب تحقيقها شوية الا

الدنيا أجمل من الجنة

يا جماعة أنا لسة مخلصة كتاب جامد أوى ، عاملى حالة من السعادة الشفافة كدا مش عارفة أزاى أسمه الدنيا أجمل من الجنة للكاتب الشاب خالد البرى ، أنا معرفهوش لكن كتابته جميلة أوى ، على العموم أنا مستعجلة دلوقتى علشان اروح اخد بنتى من الحضانة واروح لأن الجو بشع وهاكلمكم مرة تانية باستفاضة عن الكتاب الرائع دا المهم جدا جدا من وجهة نظرى ولازم نقراه يعنى دا رأيى ، وعلى العموم تحياتى لكاتبه الجرىء الذى استطاع ان ينقل لى كل تفاصيل الحالة اللى يمكن عشناها كلنا باختلاف الطريقة والظروف والاحداث فى سيرة أصولى مصرى ، اشكره جدا وفعلا خلانى أنسى قسوة الجو اللى شغالة برا دلوقتى

زعابيب

عارفين دلوقتى الجو عامل ازاى برا موجه ترابية صفرا مع احتمال وقوع خسائر بشرية وحديدية وطبيعية فادحة نتيجة انعدام الرؤية اه والنبى ، كمان انا عارفه انها هاتبقى فرصة حقيقية لكل الكسلانين اللى انا عارفاهم كويس انهم يتحججوا بالجو ويقولوا لا لا انا مش رايح الشغل او الكلية شوفوا الجو عامل ازاى على فكرة بقى انا جيت الشغل ووديت نهى الحضانة بتاعتها وقاعدة بكلمكوا ، شوفتوا بقى انا شاطرة ازاى ، لا لا اعوذ بالله الجو بيزيد ايه دا انا مش شايفه اى حاجة قدامى ، البيوت اختفت والشوارع ، طب انا مش هاعرف اروح ولا أيه ، طب اروح اجيب نهى منين ، لا فيه حاجة غلط ، الموضوع مش موضوع رياح ترابيه شديدة مش عارفين مصدرها ايه ، دا اظاهر عليهم ارواح ميتين كتيرة قوى بتقوم من مكانها بتحاول تاخذ حقها من اللى موتها ، محدش يقولى ربنا اللى موتها ، لا ، دا فيه بشر كتير ساهمت فى موت ناس كتير ونسيوهم فى المدافن الكتير الموجودة فى كل حتة فى الدنيا ، دى غير اللى اتقطعوا واتحرقوا واتبخروا ، ربنا يستر ، سامعين الصوت ، اه صوتهم باين قوى ، بيصرخ بصدى مرعب حقيقى ، يا جماعة خالوا بالكم اللى حاسس من جواه انه سبب جرح حد لحد ما مات يستخ

شجر الليمون

خطاب الراسل / سهى زكى المرسل اليه / مقابر الأباجية رخامة محمد حسين بكر القاهرة فى 16/4/2007 -1- تتلالأ أنوار السماء ، ترقرق عينى بلهفة ترعش قلبى المتعب ، تتناثر النجوم على الأرض حولى على ارى ان الضوء قريب جدا ولا داعى للوهم ، لكنها الحقيقة ، فلن أستطيع ان أمسك النجوم حتى تتفتح عينى بنورها ، ولن استطيع ان أخرج من الدائرة المظلمة الأن ، ربما حينما يبدأ القمر بالظهور تتغير الأحوال ولكن منذ ترقرقت عينى بدمع حارق جدا وكأنه نار تنزل على خدى تحرقه لا أستطيع ان أرى أى قمرا فى السماء. -2- أبحث عنك وأناديك بتلك الأغنية التى طالما سمعتها منذ صغرى وعشقتها لسبب لم أكن أفهمه وقتها ، وإذا بى بعد مرور كل تلك السنين أعرف الأن لما أحببتها كل هذا الحب ... بالتأكيد كل منا داخله أغنية يحبها كل هذا الحب ، سيعرف بعد وقت لماذا أحبها كل هذا الحب كام عام ومواسم عادوا شجر الليمون دبلان على أرضه وفينك بينى وبينك أحزان ويعدو بينى وبينك أيام وينقضو شجر الليمون دبلان على أرضه فينك بينى وبينك أحزان ويعدو بينى وبينك أيام وينقضو ف

عصافير الجنة

صورة
سؤال وجواب صبا ح الخير على أجدع مدونين ، على فكرة واضح ان يوم الخميس الصبح له علاقة بالكآبة يمكن ببتجمع فيه مقاوحة الاسبوع كله للنكد ويحل علي الواحد تعب المقاومة اليومية لمواجهة الدنيا باللى فيها طول الاسبوع... أنا شخصيا نمت على حلم جميل بأنى قدرت أخد حق بنتى وصحيت على كابوس واقعى أنك مش هاتخدى حاجة ياروح أمك واللى كان نفسه يعمل حاجة لبنته كان عمل من زمان واتفلقى .... شكرا ..شكرا .عادى هو فيه حد اتكبس ولا حاجة ، لا عادى كلنا بنقع كدا وبسرعة نقوم ننفض هدومنا ونقول عادى ! هي القرارات المصيرية اللي احنا بناخدها في حياتنا ممكن نندم عليها بعدين ؟ - اه ... لكن الندم وقتها هايكون لاننا مخدناش القرارات بدري شوية واننا كنا بنكدب نفسنا علشان نصدق المجريات اللي فرضت نفسها علينا .. - طيب امتي نحس ان بكرا جاي بأحلي من امبارح والنهارده وانه مش شعار؟ - لما فجأة امسح دموعي واخبط دماغي في الحيط شوية وانزل من السلالم الطويلة جدا للشارع من غير ما اخاف وافتح دراعاتي المقفولة لكل الاحضان . عصافير الجنة -1- تهرب الأشياء من بين أيادينا بلا سبب نقف في ذهول نشاهدها وهي تموت أو تختفي !لم نكن ندري أن للأيام الق

دى مجموعة قصص ليا بدون عنوان وبرضه لمحمد حسين بكر بدون عنوان

أصدقائى الأعزاء الاديبات منكم والادباء برجاء الاطلاع والاحاطة بأن هناك قصص كثيرة لى وللراحل العظيم الاديب محمد حسين بكر علشان تتعرفوا كويس أوعليه الله يرحمه وعليا الله يرحمنى انا كمان يارب راع الأرضفة لا تعودا للأحبة القدامى فلا يوجد فى هذا الكون أحبة قدامى شاعر روسى ( هو محمد بكرتوف) ـــــــــــــــــــــــــــــــــــــــــــــــــــــــ أسنان الرصيف أكلت حذائي ، أحملق فى النيون ، أغار من الإعلانات المضيئة التى ربما مرقت هى بأسفلها ، ولكن من هى ؟ فهن كثيرات لقد أحببت الكثيرات ، إلا هى أحببتها أكثر .. من أى واحدة أخرى ، ليست جميلة عادية أنفها المستقيم .. شعرها الخشن الكستنائى ، صوتها الذى يقشعر جلدى عندما تغنى ، إلا أننى أحببتها .. هل تريدون أن تعرفوا أسمها .. حسنا.. أسمها أنتى ..أو أنتى وأنتى الأخرى ؟! لا أتعب أبدا وأنا أبحث عنها .. أسأل عنها كفى والذي قرأت خطوطه فى يوم ما ؟ ربما فى 1/5/1999م. "قالت عارف أنت ستتزوج واحدة من العيلة .. واحدة قريبتك " قلت ما معنى ذلك "