دا كارت صداقة لكل اصحابى واصدقائى اللى بموت فيهم والمدونين جيرانى اللى بيزورونى كل شوية ويفتحوا عليا باب المدونة أنا مبسوطة بجد لأن الموضوع اللى كان م ضايقنى من كام يوم اتحل ببساطة ومديرتى المتآنقة فتحت معايا حوار راقى جدا وتبادلنا وجهات النظر ووضعنا مشروع الثقة بيننا ... وبالمناسبة دى انا اتفائلت شوية وقلت اشرككم معايا فى فرحى ولا هو يعنى " فى حزنكم مدعية وفى فرحكم منسية " انتم حبايبى واستحملتونى لما اضايقت وزعقت وادينى لما هديت قلتلكم عشان متقلوقش عليا .... بحب ربنا قوى لأنه واقف معايا قوى قوى ..


تعليقات

‏قال Reem…
الحمد لله ياسهى ربنا معاكى ويسعدك دايما
بس بردو متجيش على نفسك
ربنا معاكى
11.6.07
‏قال Michel Hanna…
ازيك يا سهى. يا رب تكوني فاكراني.
منورة النت كله على فكرة.
11.6.07
‏قال Mirage…
يابختك عندك مديرة تعرف تفتح حوار راقى
وتتبادل وجهات النظر

دى اصلا خير دليل على ان فعلا ربنا بيحبك

بس الحمدلله
انا طول عمرى ربنا رازقنى بمديرين معاتيه
:)
12.6.07
‏قال Unknown…
السلام عليكم يا سهى ايه اخبارك ولو انك كاتبه عن اخبارك السعيده المفرحه
الحمدلله انك مبسوطه انا عندي احساس انك بطنتطي من الفرحهوالحمد لله انك بعدتي عن مود الكأبه المؤرف ده
ربنا يبسطك كمان وكمان واكتر واكتر
هبه محمود
12.6.07
‏قال soha zaky…
ريم حبيبتى ...انا فاهمة قصدك واطمنى انا لما يفيض بيا بعمل اللى انت شوفتيه من كام يوم ... فانا دلوقتى الحمدلله مظبوطة

د. ميشيل حنا ...صح بتاع برسيم دوت كوم والصحافة الجامدة والاخبار التمام ...صح ولا ايه ... يارب تكون انت واكيد انت انت وحشتينى جدا على فكرة ... وانت منورد بصحابك اللى بيكدب كتير دا ابو منقار طويل .. نورت

ميراج ... على فكرة دا اسمه آر علنى وربنا ما يجعلنا ميراج وليه عنين ... عقبالك بقى ...

سلام عليكم يا هبة يا قمر ... ربنا يسعدك يارب ويريح بالك وقلبك زى ما بتريحنى بكلامك الرقيق دا يا هبهوب...
12.6.07
‏قال كراكيب نـهـى مـحمود…
قشطة يا سهى
12.6.07
‏قال soha zaky…
يـــــــــــــاه يا كركوبة يا صغننة من زمان مشفتش مشمشة
12.6.07
‏قال معاذ رياض…
يارب تكوني دائما فرحانة وربنا ما يجبش زعل ولا ضيق ولا زعيق
13.6.07
‏قال soha zaky…
معاذ ... يا مراحب يا مراحب يامراحب ايه النور دا اخيرا معاذ عندى فى بيتى ها تشرب ايه يا ذوذو
13.6.07
‏قال Michel Hanna…
أيوة أنا مظبوط
بس مين صاحبي أبو منقار طويل ده؟
20.6.07
‏قال Michel Hanna…
آه انت قصدك على الصورة!
معلهش أصل الواحد مخه تخين شوية
عايز أبقى أغيرها بس مكسل
ممكن ع الألفية الجديدة كده
20.6.07
إرسال تعليق

المشاركات الشائعة من هذه المدونة

النداهة متعرفش فتحية من زيزى

صورة
مكنش فيه اى فرق بين الزراير اللى ابهرت ابطال النداهة .. زرار النور والاسانسير والباب والغسالة اللى ابهر فتحية الفلاحة اللى جاية مندوهة بعشق مصر الحلوة اللى فى خيالها واللى رفضت تشويهها من بنت خالتها اللى سبقتها لمصر و قابلت فيها الذئاب بس .. وزرار العقل الاليكترونى فى ايد الشاب الوسيم المتمدن مفيش فرق كبير بين ميرفت امين وشويكار القاهريات المتمدنات اللى انبهرت كل واحدة فيهن بزراير الكمبيوتر اللى سحبهم لسنة ٢٠٠٠ و فتحية .. كل واحدة انبهرت بالزرار اللى هايسحبها لزرار اعلى .. وم شيت ورا النداهة اللى هاتوديها دنيا جديدة .. بس الفرق المؤكد هو اختيار نوع الدنيا .. فتحية بتهرب من حامد عشان تروح لنداهة الدنيا الواسعة المدنية و بترفض تكون جارية مسحولة له او للمهندس اللى المدنية مندهتهوش رغم كل التعليم اللى اتعلمه ..وظل محبوس فى جلابية حامد بس من جواه .. نداهة كل واحد فى الفيلم ده وديته لطريق .. لكن النداهة الاقوى كانت نداهة فتحية .. نداهة قوية وعفية .. نداهة العلم والنور والارادة والاستقلالية والعيشة فى مصر الحلوة اللى شافتها وحلمت بها .. مش اللى وصفتها بنت خالتها ولا اللى فى العمارة ال...
قراءة المزيد

حبيبة المرحوم

صورة
حبيبــة المرحــوم لا أعرف كيف أعبر عن تلك المشاعر الغريبة تجاه تلك الفتاة التى اتصلت لتعزينى فى حبيبها الذى وارى جسده المقبرة منذ يومين .. ماذا اقول وهى تقول لى سأربى معك ابنتك ، انها ابنتى ، زوجك كان حبيبى .. ثم تبكى بحرقة تمزق طبلة الآذن وتكاد تقطع أحد شرايين قلبى ، ماذا اقول لها .. ببساطة هكذا انت حبيبة زوجى الذى لم ينساها ابدا . حبيبة الرجل الذى تزوجنى بعد قصة حب قصيرة وأخترته دون الرجال جميعا . انت حبيبة ذلك المبدع الذى عاش معى مرغما لانه لم يستطيع ان يعشقنى كل العشق الذى اعطاه لك .. لم يضمنى بحنان ابدا لأنك كنت معه طول الوقت ، كيف أتماسك هكذا وأنا أعلم تماما ما به ، ماذا اقول لها ، هل اقول لها .. اننى حاولت اقناعه كثيرا بالعودة لها بعد ان ساهمت فى تمزيق اوردته واعصابه ، أننى قبلت رأسه ويده ليتركنى بسلام ويرحل الى بلدك .. ما هذه الجرآة يا فتاة زوجى ، تعزينى فى حبيب هجرتيه باختيارك وتركت له دنيا الجنون لتتعقلى بزى اسلامى فى حضن أعز الاصدقاء فبكى وبكى بعد قصة حب 7 سنوات كانت النتيجة مجرد بكاء ، وبعد موته انت شهيدة حبه ؟! هأ ..هأ ..هىء يالا انسانيتك ، تلك الايام القاسية تجرعت مرارته...
قراءة المزيد

رسالة الى صديقى الحزين

صورة
صديقى الحزين / محمد رفيع كنا ونحن أطفال عندما نسمع صوت صراخ فجأة ينتابنا الذعر والفزع والخيالات المرعبة عن من مات ، وكيف مات ، ويتردد صوت القرآن الكريم فى آذاننا بخوف يجعلنا نرتعد ونختبىء تحت الغطاء ، كان القرآن فى ذلك الوقت هو مرادف الموت لم اكن اعرف وقتها ان للموت رائحة وان للحزن ايامه الخاصة جدا ! رفيق الكتاب الاول لى ورفيق رحلة الحياة العادية ، عرفت الموت جيدا ، خرج صوت الصراخ من غرفتى ، عرفت كيف يكون الموت وما هى رائحته ، جدتى ثم امى ثم زوجى ، عرفت ما هى علاقة القرأن الكريم بالموت ... جاء دورك الان عليك ان تعرف ان العقول الكبيرة لا تعيش للأبد ، قال الدكتور / جلال أمين ان دافعه الحقيقى لكتابة سيرته الذاتية ، انه شعر ان عقله لا يستحق الموت وان عليه ان يسجل ما فى عقله قبل ان يموت ، فلن يعرف اى شخص مهما ان كان موهبته ان يسجل لى ما عشته وفكرت فيه وما ابتدعته الـــخ ... الاستاذ/ على رفيع والدك بكل ما صنع فى الحياة من ابتكارات كان اول ما ابتدعها فى الغردقة ورغم انه اخترع اول كتاب مدرسى خارجى فى اليمن لازالوا يدرسونه حتى الان ، وانه انشط من قام بجمعيات اهلية لحماية الغردقة من الكثير من ا...
قراءة المزيد