منحة عيد العمال يا جماله
عمال المصانع ونمسك بيدنا مفتاح 10 ونرتدي طاقية العامل المطحون
أم من المفترض ان نرتدى جلاليب الفلاحين أو ملابس الصيادين
او حتى نعمل فيها شحاتين ما هم عمال برضه
يالا يا جماعة كلنا ننزل يوم الجمعة كل واحد يختار اى لبس يحبه
ونشارك بعض بحب فى الاحتفال بعيد الكرامة والعزة
عيد العمال
خاصة وإحنا كلنا بننعم بهدوء وسلام وكل العاطلين على المقاهى
اشتغلوا وكل الشحاتين بطلوا والأمراض اللى بتيجى من الفقر
ورمية الشارع انتهت
يالا جماعة زغردوا وهللوا وفرقعوا صواريخ نارية
وبالونات ملونة
عيد العمال جه جه يا جماله
وتبتدى شركات الدعاية تعمل تماثيل صغننة زى كرومبو كدا
تعمل كرومبو عامل بناء وكرومبو عامل صيانة وكرومبو
عامل قهوجى وكرومبو عامل ساعى وكرومبو سواق توك توك
وكل المهن الشريفة العفيفة اللى بيشتغلها خريجى الجامعات العليا
يالا جماعة نصنع كلنا بالون كبير قوى من المفتش كرومبو العظيم
اللى بيتنكر فى كل دول ونلف حواليه ونغنى
الله حى الله حى كرومبو لا بومبو هو
كل خريجين الجامعات والمدارس هايتنكروا زى كرومبو
ومش مهم الفلوس المهم الكرامة والعزة ايوا اهم حاجة
انك تبقى فقير بعزة وأوعى تفكر تخطف الأطفال اللى بيختفى
كل يوم واحد منهم عشان يبيعوا أعضائهم عشان خاطر الفلوس
يا خسيس وأوعى تسرق اى حاجة عشان الفقر أنت أتجننت
" تجوع الحرة ولا تأكل بثديها "
طبعا ولكن فى آخر الأمر هى لا تأكل أصلا
لا بثدييها ولا برجلها ولا بأي حتة تانية ، بل تبيع كل جسدها وفى أخر الامر
لا تأكل الا ما يكفيها هى وأسرتها فعادى جدا أن تزيد نسبة
الدعارة ونسبة السرقات ونسبة القتل طالما كلنا كلنا بنشتغل يا جماعة
مفيش حد قاعد على القهوة وحتى اللى قاعد بياخد إعانة عظيمة
من الحكومة عبارة عن عصا كبيررررررررة
تستحق مؤخرته وهو جالس على
فشكرا حقا لعيد العمال ومسئولين عيد العمال على منحته الكبيرة العظيمة .
تعليقات
شكرا على تفتيح الجروح
لكن واضح أنك مابتقريش جرايد بقاللك عشرين سنة إمال المشاريه اللىبتفتح كل يوم وتستهدف فى كل مشروع تشغيل املايين دى بتروح فين
إنت ظلمتى الحكومة
اسف بقالي كتير مش باجي
بس لما اجي الاقيكي عاملة قلق جامد كده؟؟؟
ماشي انا بقي عايز كرومبو صغير ماسك في ايده مفتاح الحياة ممكن ؟
ايوا انا بأيدك باين عليان انى قوية ومفترية ومشس عارفة قيمة كل النعم اللى الحكومة بتديهلنا طول الوقت
ياللى من ظالمة
عموما هاخد بالى وابفى جرايد عشان متزعلش
نهارك فل ايها المبدع الرائع
انت فييييييييييين لسة امبارح كنت بسأل نهى محمود على تليفونك وحشانى هلتك الحلوة ويعنى لا قلق ولا حاجة احنا على قدنا
الكتابة الجامدة ليها ناسها يا صديقى
ياريت تبعتلى تليفونك على ايميلى soha.zaky@gmail.com
محتاجك تضيفى اميلى عيزك فى شغل
اوك ده اميلى
الشغل يستى عندى مدونه اسمها مدونة ماى ايجى تابعه لموقع ماى ايجى http://myegyg.blogspot.com/
شفيها وضفينى عشان نشتغل فيها سوى اوك
midolove1119@yahoo.com