الفنان صاحب المدد أشرف سرحان من يستحق كلمات المديح بلا عدد
ما تيجوا احكي لكم علي انسان جميل.. عاش حياته يشتغل في صمت ويخدم ناس كتير.. لكنه هادي وراضي بنصيبه مهما شاف م الدنيا كتير.. الرجل ده فنان كبير بيمثل ويآلف واعلامي ومنتج فني وبيعمل حاجات كتير.. صحيح سبع صنايع ولكنه بخته مش ضايع لانه راضي رضا كبير..
الرجل ده بطوله وملامحه الطيبه يشبه اب واخ كبير وبيعيش حياته بطولها وعرضها ولا يعمل حساب لزمن ولا تغيير.. زي ما بترسي بيدق لها ويقول اكيد هايكون في هنا رزق كتير..
عفوف النفس وروحه مطمنة لانه عارف ان بكرا مش بأيد حد غير صاحب المقادير..
اشرف سرحان ممثل جميل وانسان رائع ونبيل.. هو أول أنسان علي هذا الكوكب المخيف بعد ابويا ساعدني بنبل ورقي من غير انتظار اي تقدير ولا يعرف حتي كتابة هذه الكلمات انه له علي انسانيتي فضل كبير لان من 25 سنة لما كنت صغننة وعاوزا اشتغل وبدور علي شغل في اماكن كتير وكنت مصاحبة ممثلة كان لها مستقبل كبير لكن ربنا يجازي اهلها منعوها ودمروا حياتها تدمير.. كانت صديقة لهذا الممثل الشاب الجميل اللي كان فاتح شركة صغننة في الدقي للدعاية والانتاج وخدتني من ايدي كطفلة مذعورة وقالت له عاوزين نشغل البنوتة في مكان محترم ومياخدش منها كتير لانها بتحب الكتابة والمسرح وعاوزا لهم وقت كتير.. قال لها عيني وسابنا ثواني ورجع وهو بيقول لي تعالي ادخلي استلمي شغلك في شركة مخصبات زراعية صاحبها رجل 100-100 اسمه علي جاد الحق علي جاد الحق ابن شيخ الأزهر الاسبق.. ودخلت استلمت بشعري المنكوش وقلبي المتحمس مكاني كسكرتيرة لشركة كبيرة وقابلت ناس هناك جميلة من اول مدير الشركة وصاحبها الاستاذ "علي جاد الحق" لغاية الموظفين الطيبين واللي عرفت منهم وقتها ان فطار الفول والسلطة الخضرا ام فلفل اخضر هو اللي بيقوي الناس علي احتمال اليوم.. وكانت شركة الاستاذ اشرف سرحان الفنان لازقة جنب شركة ابن شيخ الازهر الرجل الإنسان في شارع الانصار بالدقي واشتغلت وقبضت اول قبض محترم من شركة مخصبات زراعية ومكملتش وقتها 6شهور ولقيت بابا حبيبي واللي كنت بزن عليه كتير اني اشتغل معاه وهو يرد يقول لي معنديش واسطة الاقيه مفاجئني في يوم بيقولي يالا جهزي نفسك تيجي معايا الجمهورية لان الاستاذ سمير رجب وافق علي انك تشتغلي فيها وفعلا رحت وكنت محظوظة وفي نفس اليوم اتعينت 16 نوفمبر 1996 وكنت صغننة بحلم كبير ..
كم انا محظوظة أن يكون أول عمل حقيقي بوساطة من فنانة محققتش حلمها وصلتني واختفت لفنان جميل اداني ثقة في نفسي لانه قدمني بشياكة وقناعة اني قد المسئولية رغم سني الصغير واتعلمت في الشغلانة دي حاجات كتير نفعتني لما عملوا لي اختبار في مكتب مدير عام مؤسسة دار التحرير وخلاني اتعين ومكاني يبقي عنده من اول يوم لحد ما نقلت لصالات التحرير.
اشرف سرحان فنان من اللي يتقال عنهم في المدح كتير.. لا هاتشوفه بيستعرض عضلاته ولا بيشتم في حد ضايقه ولا بينتقم من اللي ظلمه سافر روسيا قدم برنامج من اهم برامج السياحة في قناة روسيا اليوم وقعد سنين يشتغل هنا وهناك..
ورجع تاني يشتغل بهدوء في المسرح والسينما وفي انتظاره ادوار كتير تستاهل الرجل الملاك.. بيمثل كوميدي وشرير و ضابط جاد او دمه خفيف ورئيس عصابة خطير.. و رجل طيب مآزوم وشيخ ضرير..
يارب يفرح قلبك يا صاحب فضل من اجمل الافضال اللي مش ممكن أنساها لان اللي يساعد غيره من غير مقابل ولا ينتظر حتي الشكر ويمكن كمان ينسي انه ساعده .. بتكون طبيعته العطاء ومش مهم هو ياخد ايه من الحياة..
أشرف سرحان من الواصلين اللي منفوحين بمدد الرضا والسعادة والصبر علي البلاء.. ربنا يفتح عليه ويفتح له باب الرزق الحلال فوق سماه.
الرجل ده بطوله وملامحه الطيبه يشبه اب واخ كبير وبيعيش حياته بطولها وعرضها ولا يعمل حساب لزمن ولا تغيير.. زي ما بترسي بيدق لها ويقول اكيد هايكون في هنا رزق كتير..
عفوف النفس وروحه مطمنة لانه عارف ان بكرا مش بأيد حد غير صاحب المقادير..
اشرف سرحان ممثل جميل وانسان رائع ونبيل.. هو أول أنسان علي هذا الكوكب المخيف بعد ابويا ساعدني بنبل ورقي من غير انتظار اي تقدير ولا يعرف حتي كتابة هذه الكلمات انه له علي انسانيتي فضل كبير لان من 25 سنة لما كنت صغننة وعاوزا اشتغل وبدور علي شغل في اماكن كتير وكنت مصاحبة ممثلة كان لها مستقبل كبير لكن ربنا يجازي اهلها منعوها ودمروا حياتها تدمير.. كانت صديقة لهذا الممثل الشاب الجميل اللي كان فاتح شركة صغننة في الدقي للدعاية والانتاج وخدتني من ايدي كطفلة مذعورة وقالت له عاوزين نشغل البنوتة في مكان محترم ومياخدش منها كتير لانها بتحب الكتابة والمسرح وعاوزا لهم وقت كتير.. قال لها عيني وسابنا ثواني ورجع وهو بيقول لي تعالي ادخلي استلمي شغلك في شركة مخصبات زراعية صاحبها رجل 100-100 اسمه علي جاد الحق علي جاد الحق ابن شيخ الأزهر الاسبق.. ودخلت استلمت بشعري المنكوش وقلبي المتحمس مكاني كسكرتيرة لشركة كبيرة وقابلت ناس هناك جميلة من اول مدير الشركة وصاحبها الاستاذ "علي جاد الحق" لغاية الموظفين الطيبين واللي عرفت منهم وقتها ان فطار الفول والسلطة الخضرا ام فلفل اخضر هو اللي بيقوي الناس علي احتمال اليوم.. وكانت شركة الاستاذ اشرف سرحان الفنان لازقة جنب شركة ابن شيخ الازهر الرجل الإنسان في شارع الانصار بالدقي واشتغلت وقبضت اول قبض محترم من شركة مخصبات زراعية ومكملتش وقتها 6شهور ولقيت بابا حبيبي واللي كنت بزن عليه كتير اني اشتغل معاه وهو يرد يقول لي معنديش واسطة الاقيه مفاجئني في يوم بيقولي يالا جهزي نفسك تيجي معايا الجمهورية لان الاستاذ سمير رجب وافق علي انك تشتغلي فيها وفعلا رحت وكنت محظوظة وفي نفس اليوم اتعينت 16 نوفمبر 1996 وكنت صغننة بحلم كبير ..
كم انا محظوظة أن يكون أول عمل حقيقي بوساطة من فنانة محققتش حلمها وصلتني واختفت لفنان جميل اداني ثقة في نفسي لانه قدمني بشياكة وقناعة اني قد المسئولية رغم سني الصغير واتعلمت في الشغلانة دي حاجات كتير نفعتني لما عملوا لي اختبار في مكتب مدير عام مؤسسة دار التحرير وخلاني اتعين ومكاني يبقي عنده من اول يوم لحد ما نقلت لصالات التحرير.
اشرف سرحان فنان من اللي يتقال عنهم في المدح كتير.. لا هاتشوفه بيستعرض عضلاته ولا بيشتم في حد ضايقه ولا بينتقم من اللي ظلمه سافر روسيا قدم برنامج من اهم برامج السياحة في قناة روسيا اليوم وقعد سنين يشتغل هنا وهناك..
ورجع تاني يشتغل بهدوء في المسرح والسينما وفي انتظاره ادوار كتير تستاهل الرجل الملاك.. بيمثل كوميدي وشرير و ضابط جاد او دمه خفيف ورئيس عصابة خطير.. و رجل طيب مآزوم وشيخ ضرير..
يارب يفرح قلبك يا صاحب فضل من اجمل الافضال اللي مش ممكن أنساها لان اللي يساعد غيره من غير مقابل ولا ينتظر حتي الشكر ويمكن كمان ينسي انه ساعده .. بتكون طبيعته العطاء ومش مهم هو ياخد ايه من الحياة..
أشرف سرحان من الواصلين اللي منفوحين بمدد الرضا والسعادة والصبر علي البلاء.. ربنا يفتح عليه ويفتح له باب الرزق الحلال فوق سماه.
س. ز ( من وحي اعمل الخير وانساه يقعد لك دعاه) Ashraf Sarhan
تعليقات