نونو فى اول يوم مدرسة

Tuesday, August 16, 2016

افرحوا

وأكيد فى اثنين بيوشوشوا بعض من المدسوسين دس على كل حاجة وهما بيضحكوا ضحكة سخرية وبيقولوا : 
هههههههه شفت فرحانة اوى كأنها جابت الديب من ديله ، ده حايلااا حتة كارنيه لل راح ولا جه ، ما احنا خدناه من زمان بسهولة وعادى يعنى ، ايه الأزمة ، محدثين نعمة 
طبعا يا مدسوس منك له محدثة نعمة ، لأن لما انسان يحقق حلم هو حلمه من الاول وعرقلته الظروف ويحققه غير اللى بيكون حلم حلم تاتى خالص وهو دخل طريق بالصدفة ومن غير تعب حصل عليه لمجرد انه وظيفة وبدل وكارنيه ... شتان ما بين انسان مبيعرفش يعمل حاجة غير انه يفكر ويكتب ويتأمل ويحاول يغير وبين انسان بيتعامل مع اهم عمل فى الكون على أنه سبوبة واكل عيش ودمتم ... شتان بين أنسان مش مهتم يقدم نفسه انه كاتب قد ما مهتم بأيه اللى يكتبه وحد تانى بيشف اللى بيكتبه ويخلى حد غيره يكتب له او يبقى اذكى اخواته ويسرق الافكار ويقلبها ، الكتابة مش وجاهة اجتماعية والكارنيهات مش حصانة وفلوس ، الكتابة للى يعرف ده كويس بتجرى فى جسم محب الكتابة مجرى الدم والروح ، ولا يهمه ياخد صفحة ولا منصب ولا مكافأت ، يهمه بس ان يبوح بكلمته ويقراها المهتم ، الكارنيه لأنه بيريح اللى عندهم عقد النخبة والعنصريين وبيحمى اللى حصل عليه من أنزحة مجموعة تانية شايلينه دون وجه حق ، يعنى الحصول على الكارنيه بيحمى بعضهم من بعضهم ، واى حد تعب وشقى وشاف المر لغاية ما يحقق حلمه لازم يفرح اوى أنه حقق حلمه بمجهوده وتعبه ويبدأ يحلم حلم جديد ،، ياللى متعودتوش تحلموا واستسهلتوا انتهاز الفرص اتعلموا تفرحوا للى كان حلمه من الاول فرصة اخدتها انت الاول وجات له متاخر .. افرحوا 

No comments: