( من وحى تأثر متكرر من مشهد طحن الطعمية فى بداية الفيلم واخره )

فيلم ساعة ونصف من أعظم الافلام الانسانية فى اخر عشر سنوات من تاريخ السينما ، طبعا راى خاص بى ، لكن الفيلم عالى جدا ، وكأنه قصة قصيرة شديدة الاختزال عن احوال البسطاء فى مصر واللى بتنتهى دائما حياتهم فى حوادث نهايتها فى ( قرطاس طعمية ) .. كل عناصر الفيلم متقنة والممثلين وكأنهم خلقوا لادوارهم فيه ، ولم اندهش انه من تاليف احمد عبدالله واخراج وائل احسان (اهم ثنائى قدموا افلام كوميدى ) لانهم موهبين جدا جدا ، وايضا لم اندهش انه من انتاج احمد السبكى لانه سبق وانتج ( كباريه والفرح ) وانا اعتبر ان ساعة ونصف يكمل ثلاثية تحسب لتاريخ السبكية ... ساعة ونصف فيلم لا ينسى ، يكفى انى رايته لاول مرة فى ٢٠١٢ واعيد اكثر من مرة ولم امل منه رغم ما به من مآسى إنسانية مؤلمة وانا دربت نفسى منذ سنوات الا ارى الكآبات ، لكن ساعة ونصف به ابداع فنى وادبى يصل لمستوى السينما العالمية .
تحية كبيرة لكل انسان شارك فى الفيلم ده وكان يستحق كتير جدا .

س.ز