المشاركات

عرض المشاركات من مارس, ٢٠١٠

ثلاثة نهى و2 سوسو وواحد رفيع

صورة
بعد التحية والسلام اللى عمره ما هايكون ختام بينى وبينك يا اجمل ما خلق احب اعرفك انى فى احسن حال وانك عرفتى تربى ، تصدقى انى مش لوحدى فعلا انا بطمنك اه ، متقلقيش ، ومتجليش فى الحلم زعلانة ابدا انا مش مضايقة ولا زعلانة ابدا ، اه بجد مش مصدقة طب انا هاحكيلك على حاجة انت عارفة من يوم ما مشتى ملحقتش ازعل الزعل اياه بتاع الناس اللى بتزعل على الناس لما تموت طبعا مش لانك ممتش والشعار اياه لا خالص رغم انه حقيقى اصلك عايشة معايا بشكل غريب بطلى مراقبة فيا بقى وقلق عليا وفراشتك اللى محاصرنى هديها شوية عارفة لو انا عارفة انك بتقعدى مطمنة كدة ومفيش قلق كنت هاقلك خليكى على طول فى بالى ، لكن انا عارفاكى يا فاطمة محبتش فى الكون اكتر مننا بابا وانا ونهى وصلاح ومحمد اطمنى يا حبيبتى احنا تمام وزى الفل اه بجد انت فاكرة انت عملتى ايه ، فاكرة صح ربتينا بجد ، عملتى مننا ابطال فى الحياة مناضلين مكافحين بالفطرة زيك انت وبابا الشغل مبيقفش لكن بينى وبينك انا تعبت أه تعبت شوية من النزول كل يوم وكدا يعنى حاجة ممللة مرهقة ، فاكرة لما دعيتلى وانت فى المستشفى اخر مرة لما بصيتى لفوق وقلت لر

وجوه البستان - اهداء للفنان القاص / ناجى الشناوى

صورة
لوحة للفنان الكبير / حليم حبشى ي تغير الزمن ولا يتغير المكان ذلك المكان الذي شهد أجمل وأرقى الشخصيات ونزق وجنون شخصيات أخرى تمر الوجوه على المقهى العتيق الذى كان وما زال ملجأ لكل عابر سبيل مختلف لا يشبه عابرين السبيل السائلين بل هما مختلفون تماما باحثون على الحرية وعن الفن وعن الإبداع باحثون عن مكان لهم بين العالم الغريب عليهم وتجدهم على الكراسي أياما نائمون لم يبرحوها إلا فى حالتين أما نجوما أما مجانين ومجاذيب نعم فان من يعبر على هذا المقهى وداخله مثقال ذرة من فن واختلاف يكون هو مقهاه لم تكن البستان يوما مجرد(قهوة) بل كانت بمثابة مدرسة ثانوية أو كلية تخرج منها المبدعون الحقيقيون ، ينطلق منها الثائر الباحث عن حلول وتحتفي باستضافته السياح الذين يأتون مصر المختلفون أيضا باحثين عن أماكن مختلفة غير المتحف والهرم والهيلتون مقهى مريح ورخيص وهادىء ، لا يسمح لأحد أن يضايق إحدى الجالسات عليه من الفتيات أو السيدات ربما سمح الرجال فى نفس المقهى لأنفسهم ان يغازلوهن ربما على اساس أن ابن الحتة اولى ببنت الحتة لكن تبقى فى النهاية مسألة احترامهم لبعضه