نونو فى اول يوم مدرسة

Tuesday, October 27, 2009

من يكسر مجدافيك هو شخص بالتأكيد لا يقوى على التجديف معك

يسخر الله
للناس ناس اخرين ليكونوا وقودا لطاقتهم
ناس يشكلون بتواجدهم
عالما من البهجة والدفء
كما ان هناك ناس يكرهونهم لانهم
لا يقوون على محبتهم
ان من لم يستطيع الوقوف بجوارك هو شخص
عاجز عن أداء هذا الدور
لا أكثر ولا أقل
وتأكد يا صديقى أن من يكرهك هو شخص
يحبك بحنون
فلمن لا يعلم الكره هو الوجه الآخر
من عملة الأهتمام
هما اهتمام شديد لصاحب هذه المشاعر الموجهة
لذلك أنا
اطمئن جدا ان وجدتنى لا أهتم أساسا لأحد ضايقنى
فهذا يعنى بالتأكيد اننى لم أحبه ولم أكرهه
هناك الكثير من الناس تنشغل بناس أخرى بلا داعى
تنشغل بمضايقتهم وخنقهم ومحاولة
إحباطهم لهدف خفى داخلهم أو حتى بلا هدف
فالكره درجة من درجات أهتمام عظيمة
أوغيرة وحقد

اتمنى ان يتخفف حامل الكره من ذلك العبء

5 comments:

كريم بهي said...

الللللللللللللللللللللللللله
يا سهي على الكلمتين دوول
انتى تلخصي جزء من فلسفتى الخاصة عن الكراهية بشكل رائع
لكن بردو دايما بقول ان اللى بيقول انه ميعرفش يكره هو اما عاجز او فاقد جزء من مشاعر او بيستهبل
لان الكره هو وجه اخر من عمله الحب
دا حقيقي
انا جربت دا

جميل اوي فلسفتك
وجميل اوي ما تتبعينه من منهج ف حياتك

تحياتى
الوردية
جداا
ا
ا
كريم بهي
سلامى لنهنوه الجميل
وكنت سعيد لما سمعت صوتك

فاتيما said...

ياااااااااه
وحشتينى قوى يا أطيب قلب
ازيك يا سهى يا ساحرة الخير و لست الشريرة
سمعت هذه الجملة من قبل
الكراهية الشديدة كالحب الشديد
كلاهما عامة اهتمام زائد
فبقيت لما اضبط نفسى متلبسة بكراهية حد ...اطرد هذه المشاعر من ذهنى و قلبى
مش عاوزة اسود أى نقطة عشان خاطر حد لا يستحق المشاعر و لو كانت سلبية
الناس بتقول على دا برود
او تحييد للمشاعر
بس متهيألى إن قلبى مبقاش يتحمل هذا الكم من التشاحن و البضغط و الا هينفجر
كنتى وحشانى و ادينى فضفضت معاكى باللى ف قلبى ..انتى كمان من الناس اللى قولتى عليهم ربنا سخرهم لتلقى الهموم و اذابتها
ممكن اطلب منك طلب ؟؟
تبوسيلى نهنهوة و تقولها البوسة دى من فاتيما
مامت يوسف اللى لما يرجع هيكون صديق عزيز عليكى
خالص حبى ليكى يا حبيبتى

حواء said...

الكره كلمة كبيرة اوى او احساس بشع مش سهل ابدا اننا نحس الاحساس ده الا لو وصلنا لدرجة من عدم التواصل مع شخص ما او حالة ما ... وفعلا اما نحس اننا مش هاممنا من كلام او تصرفات ممكن تمسنا او تجرحنا ونرميها ورا ضهرنا ده معناه ان الشخص ذاته لايهمنا فى شئ ولا نراه اصلا وده الفعل الوحيد الممكن واللى نقدر نعمله يمكن يرجع عن احساس الكره اللى جواه او ياخد هدنة مؤقتة ... تحياتى

طه عبد المنعم said...

الصديقة الاعز سهى
لا أتفق معك فى أن الحب الشديد يقابله على الطرف الاخر كرة شديد.. من يسرى عليهم هذا الكلام أشخاص مصابون بأضطراب ما يجعلهم لا يحددون موقفهم وفى الاغلب يتأرجعوا حتى يمل طرفهم الاخر
ولكن الاهتمام صحيح شئ مشترك بين الحب والكرة
عموما
الناس لا تتقبل فكرة أن الحب وما ينتج عنه من أهتمام يكون بسهولة من غير غرض
لأن هؤلاء الناس سهل عليهم تصور أن الكرة وما ينتج عنه من أهتمام يكون له سبب وسبب قوى ومباشر

طبعا أنت تعرفين ماذا أقصد ردا على ....
سواء رضينا أم لم نرضى
فالحب بسبب أقوى من الكرة بسبب

واحد من الناس said...

فى البدايه اشكرك جدا على كلماتك الرقيقه ردا على تعلقاتى
بخصوص الكره هل تصدقى انى لم اجرب هذا الشعور ؟
لا ادعى انى ملاك لكنى لم اكره احد بل دائما اشفق على من يحمل هذا الشعور ربما اغتاظ من شخص ما ولكن ايهما افضل الكره ام دفع الشر بتقديم الخير " ادفع بالتى هى احسن فاذا الذى بينك وبينه عداوه كانه ولى حميم "
صدقينى لو قلت ان اكثر اصدقائى الحميمين كانت بداية تعارفنا مشاحنات ولكن كلمه حلوه ممكن تحول عدوك لصديق يخاف عليك ويحميك

وممكن اسال سؤال ؟
ايه الشئ اللى ممكن يخلى انسان يكره انسان تانى ؟
وهل الكره سلوك مرتبط باشخاص بعينهم ؟ بمعنى فيه شخص يعرف يكره بس والكره بيكون عنده رد فعل تلقائى على اى تصرف سلبى ضده
بمعنى اكثر دقه " قلة حيله" او ذى المثل الشعبى " قصر ديل " تحياتى للجميع
ولعروستى الجميله نهنوه