حتى انت يا " منير "


عندما يشتد بى الحزن أسمعه فتنزل أغانيه على قلبى كطاقة شافية للخلاص من الحزن ، فأنام على صوته وأصحو على صوته جديدة متفائلة عنيدة ، أن تخذلنى الأيام ، وتأخذ منى حبيب العمر فهو قدر ، ربما ليريحنى من عناء خلافات زوجية لم تكن لتنتهى ابدا بيننا كدأب أى زوجين ، ولأن الله يعلم أننى لم أكن لأحتمل هذا العناء أراحنى وأراحه بطريقته ، لم أنفض عنى الحزن ، إنما ببساطة عدت لصورة الخال النحيف عندما كنت اراه وانا عند جدتى ، يصحو يوميا بعد العصر تقريبا يأخذ حمامه ، يدخل غرفته ويغلق على نفسه كأنه سيقوم بعمل سرى عظيم ، فأفتح الباب عن عمد للفضول فألتصق فى عقلى مشهدا لم أنساه ابدا ، حيث أجده جالسا أمام المروحة الحديدية القديمة وهو يلف حول وسطه فوطة فقط يشرب ويسكى ويدخن بهدوووء وهو يستمع لـ"شجر الليمون " فسكنتنى أغانى منير ، كما تسكننى ذكرى أحبائى المفقودين فى دهاليز الزمن والروح ، منير الذى ما أن شعرت بالضعف تهزنى موسيقى "على صوتك " وما أن شعرت باليأس تصفعنى أغنية "قبل ما تحلم فوق " على وجهى بقوة ، فأنتفض وأحدد حلمى وأتأمله ، فربما تحقق وأنا لا أدرى ، أن تخذلنى صديقة وتبتلغ من يدى بعض من أيامى وتذهب بلا رجعة وهى تدلدل لسانها بلهاث الانتصار.. عادى.. لأننى سأعود له أستمع لإحدى نصوصه المقدسة التى ستجعلنى اكثر قوة واجمع من الاصدقاء ما لا عدد له ولا حصر ، ان يختفى ناس ويظهر ناس ثم يظهر المختفون ويختفى الظاهرون .. عادى .. فأنا " اسكن بيوت الفرح اه ممكن ، اسكن بيوت الحزن لا يمكن " .. لكن ترى من أسمع عندما يخذلنى هو شخصيا ، عندما يزيد الآلم والوحدة بسببه هو هو "منير " ولا أحد غيره ، انتظرت اغانيه الجديدة التى كنت على يقين انها ستناسب ما انا فيه ، واذا به يخرج لى بشريط ليس به أغنية واحدة تتسلل الى الا أغنية "تحت الياسمينة "
تحت الياسمينة فى الليل نسمة والورد محاجنى
الاغصان عليا تميل تمسحى لى فى دمعة عينى
وهى للأسف أغنية تراثية للفنان التونسى الراحل الهادى الحوينى وهى كلمات لسيدة مجهولة لم يعرفها الفنان الراحل ارسلتها له بالبريد !
ترى هل يسعد محمد منير الان لأنه نزل لنا بعد طول اشتياق بألبوم ليس به الا أغنية واحدة حتى أغنية "الهد " "طعم البيوت " جاء طعمها غير مميز على الاطلاق وكأن سيدة المنزل كانت تعد الطعام على عجل دون مزاج فكانت النتيجة ارزا معجنا وخضار لم يسوى ، ولحم نىء يشد معك وانت تأكله ، فتلعن اليوم الذى تزوجت فيه هذه المرأة اللعينة .
لكننى لن ألعنك ، سأغفر لك ، فيكفى انك تحملتنى كل السنين الماضية ، ربما لا تدرى عنى ولا عن الملايين الذين تشفى آلامهم بكلماتك ، مما يحتم عليك ان تراعينا فى الألبوم القادم
.
هذا مجرد رأى خاص جدا من عاشقة للملك

تعليقات

‏قال fawest
سأتسائل لمجرد السؤال

ترى هل يشفع له تاريخه؟؟

وسأجاوب لمجرد الاجابه

نعم، بل يشفع أيضا بأن يظل حيا فى قلوبنا بمجرد الذكريات التى شكلها فى كل واحد فينا
‏قال KING TOOOT
في زمن البَصق
لن تجدي بين ربوع الأخضر
غير الشوك
لن تجدي بين الورد الأحمر
نفس الذوق
لن تٌعلِن نغمات الألحان
نبضات عروق الفنان
لن يبقى بصوت الإنسان
تنهيدة شوق
KING TOOOT
‏قال soha zaky
فاوست
منير يعمل اللى عايز يعمله لانه خلاص عمل اللى مكنش متصور انه هايعمله ، اه خلاص ، فى ناس كتير كبرت وحبت واتحبت وكرهت وسامحت على صوت منير ، فى ناس نسيت كل حزنها ووجعها على صوت منير
يعمل اللى يعمله براحته خلاااااااااااص
احنا خدنا اللى احنا عايزينه دا لو كفانا وممتناش قبل ما نعيشه
‏قال soha zaky
كنج توت
بصراحة اول ما قريت الرباعية قلت "يخرب بيتك" ايه الروعة دى يا بنى
هاقولك ايه عندك حق كل الحق
ربنا يقوينا ويصبرنا على ما بالانا من تشوه وياساتر
‏قال شادي أصلان
زي ما انتي قلتي ان منير يعمل الي هو عايزة لان ليه حاجات كتير اثرت فيكي بشكل ما
بس اعتقد اني ممكن اطرح وجهة نظري واقول ان زي ما منير عمل حاجات غيرت وأثرت في ناس كتير اعتقد ان الاعمال الاخيرة مناسبة جدا لاجيال جديدة تفتقد الهوية تماما

انا عاجبني شريط منير الجديد اوي ودا بس لإبداء الراي


تعليق علي جنب كدا صغير
انا بجد بكون مستريح نفسياً - مش مجاملة والله - وأنا موجود عندك في مدونتك
تحياتي
‏قال soha zaky
انا متفقة معاك يا شادى جدا جدا والله
وهو الموضوع ذائقة مش اكتر ، انا مش حاسة بطعم البيوت خالص خالص ،
وزى ما قلت فعلا الحاجة الوحيدة اللى عاجبنى فيه هى تحت الياسمينة
ودا مش معناه ان الشريط مش تمام بالعكس دا ممكن يكون اروع من اى شريط تانى لكنى بصراحة كبرت على نوع تانى من المزيكا مالقتهاش فى الشريط دا خالص ولا احساسه اللى انا متعوده عليه منه
يمكن يكون العيب فيا انا يمكن انا اللى كبرت واحساسى عجز ، او يمكن مبقاش اى كلام يأثر فيا بسهولة كدا ومحتاجة مجهود ، بجد مش عارفة ، ليك حق فى اعجابك بالشريط فى ناس كتير اوى معجبين به جدا

ملاحظة على جنب
انا بستريح نفسيا اكتر اول ما الاقى اسم شادى اصلان فى المدريتور ، وادوس نشر من قبل ما اقرا الكلام واول مالاقى صورتك منورة ادامى بجد بحس ان فى صديق حقيقى قاعد مستنى فى اى وقت اميل عليه واحكى له
سهي الجميلة
\فيه في مدونتي موضوع يهمك
ويهم ساحرتك الشريرة
يلا روحي هناك اقرأي واعملي الواجب
ولو مقدرتيش تعمليه اديه لنهنوه الصغيرة تعمله
هاك هو الرابط

http://hoaidsaleh.blogspot.com/2008/07/blog-post.html
‏قال soha zaky
استاذة هويدا صالح بنفسها ممررة ليا تاج ، انا مش مصدقة والله
عموما علم وينفذ يا باشا
وهاعمل الواجب استنى وشوفى
ميرسى ميرسى ميرسى
اه والنبى
‏قال أكرم يعقوب
بجد كنت مفتقد أوى حاجات كتير فى الفترة اللى مكتش بدخل فيها عندك و مكرش إنى حسيت بيها تانى أوى,شريط الملك مقدرش أقول عليه غير إنه كان شريط معمول عشانى أنا أكرم العوضي



واحد بجد مفتقد مدونة سهى زكى
أكرم العوضى
‏قال soha zaky
أكرم العوضى
ياااااااااااااااه بجد وحشتنى دخلتك على مدونتى بجد ، والكلام اللى انت بتقوله دا كتير عليا اوى ، انا مستهلش كل دا والله ، ربنا يخليك يا اكرم انت متعرفش معنى انك اول ما تفتح حاجة الصبح تلاقى معانى جميلة مبهجة زى اللى كلماتك الرقيقة دى
بجد مش عارفة اقولك ايه
وعلى فكرة منير عجبنى بس معجبنش ازاى متسألنيش ، يمكن متحيزة للى فات يمكن بقيت قديمة واحساسى قديم يمكن
‏قال Reham Ragab
إيه ده؟ أستاذة هويدا سبقتني
شفتي يا سهى؟ حبايبك كتير
ليكي نفس الواجب في مدونتي
شكلك شاطرة وهنديكي الدرجة النهائية السنة دي، لو عملتي كل واجباتك!
أنا بحب منير، ولسا مسمعتش ألبومه الجديد، هجيبه قريب انشاءلله
تحياتي :))
‏قال soha zaky
ريهام رجب
ياسلام هو الواحد يكره انه حبايبه يبقوا بالجمال دا كله ، تفتكرى هانجح ، ادعيلى لاحسن انا عمالة اذاكر من ساعة ما الاستاذة هويدا بعتتلى الواجب دا ولسة مش قادرة احدد معاد اختبار ليلة الامتحان، ادعيلى بقى ، انا بموت فى منير والشريط لما تسمعيه قوليلى رأيك ماشى
قولى ماشى
‏قال Reham Ragab
ماشي طبعا :)))
‏قال غير معرف…
عزيزتي سهي
الصراحه انا كمان بحب منير بس الالبوم الجديد ماعلقتش معايا غير اغنيه تحت الياسمينا
بقيه الأغاني حسيت ان مفيهاش حاجه تشد لا علي مستوي الكلمات و لا الالحان علي اعتبار اني كنت مستنيه البوم واو من منير بس حصل خير تتعوض في الالبوم الجاي
تحياتي ليكي سهي
‏قال soha zaky
ريهام رجب
م الصبحية وانا فى الشباك مستنية تردى عليا
‏قال soha zaky
اجندا حمرا
نورتنى اولا لازم احييكى وللاسف مش متاح غير السلام الاثيرى
ثانيا بالذمة مش عندى حق ، لكن نعمله ايه بقى بنحبه غصب عننا ، وخلاص عمل عملته وخلع ، خلانا نعيش بكلماته وننسى اخطائه عملا بالمثل الشهير
حبيبك يبلعلك الزلط وعدوك يتمنى لك الغلط
انا بلعتله الزلطة دى بس كان لازم اشاور على الغلطة ولا ايه
تحياتى لك ونورتى بيتى المتواضع
‏قال غير معرف…
على فكرة انتو بتهزرو اكيد ما سمعتيش الشريط كويس اكيد
هو اللى حصل ان الناس كانت مستنيه حاجه ومنير طلع حاجه تانيه خالص بس مش قليله خالص عن منير زمان ويا ريت تسمعى (يونس . لزاما .ومن غير كسوووووووووف ........ كل الشريط صدقينى

المشاركات الشائعة من هذه المدونة

العراف الاعمى

الشذوذ الجنسى

القنفذ