اخيرا سيحاكم طيرى

أخيرا
ستتم محاكمتى فى ورشة الزيتون حيث يناقش المجموعة القصصية "كان عندى طير "وهى مجمــوعة قصص كتبت بعمرى البالغ الأن 33 عاما وايمانا منى بأن الواقع أغرب من الخيال أصدرت مجموعتى الاولى المنفصلة بعدما كان لى تجربة مع محمد حسين بكر ومحمد رفيع فى كتاب "بوح الأرصفة " الذى حقق نجاحا ملحوظا، فرحت بعرض ( دار العلوم للنشروالتوزيع )وبالفعل جمعت أخر كتابات "محمد حسين بكر" الحاضرة أمامى وقتها لحين انتهائى من تجميع كل أعماله وجمعت معظم رصيدى القصصى وذهبت بهم الى الداروقد كان ، وعدنى الرجل بكل صدق أن عملى سيصدر فى معرض الكتاب وقد صدق ، تحقق حلمين فى وقت واحد "كان عندى طير "و"عبد الله المسكين له ولأحبابه " فرحة مؤلمة أن يصدرا الكتابين فى يوم واحد من نفس المكان لم يشاركنى فيها أحد إلا الرجل الوحيد الذى قدر ما فعلت " أبى (زكى مصطفى )" فقط هو الوحيد الذى دمعت عيناه وهو يرى مجهود العمر مكتوبا أمامه ومعروضا فى المكتبات ليقرأه الناس ، ليقرأ أبنته الناس وكذلك أخوتى نهى ومحمد وصلاح فهم يعتبروننى مختلفة ومهمة (أخوات بقى) بدأت بكتاب "عبدالله المسكين له ولاحبابه " حيث اقمت له حفل التوقيع فى عمر بوك ستوروأعلانات الفيس بوك والمدونات الشقيقة بتعاون الصديق القاص طه عبد المنعم وقتها وتؤكد الدارأنه من أكثرالكتب الأدبية مبيعا لديهم "وطبعا انا لازلت "ياواش ياواش" لأننى فاشلة فى الترويج لنفسى كما يفعل كل الكتاب الأصدقاء ولكن لايمكن أن يكون هناك شخصا فى قامة الشاعر والناقد والمفكرالمشتبك دائما "شعبان يوسف " وندوة فى أهمية ورشة الزيتون لها الان أكثر من 25 عاما كفاحا فى وسط لا يرحم ولا أقيم فيها ندوة لكتابى الأول خاصة وهم أول من وقفوا بجوارنا بعد أصدار كتابنا الاول "بوح الارصفة " حيث ناقشنا وقتها الاستاذ الاديب الكبير فتحى امبابى والناقد العبقرى سيد الوكيل والشاعرة فاطمة ناعوت والكثير من فطاحل رواد ورشة الزيتون الإبداعية والذى يختنق منهم الجيل الجديد العظيم سيناقش كتابى هذا الاسبوع وربنا يستر فعلا
الروائية القديرة هويدا صالح
والناقدة الدكتورة الجميلة / عفاف عبد المعطى
والناقد الشاب / عمر شهريار
وكذلك سيتكرم بحضور المناقشة الأستاذ/ سيد الوكيل
ورواد الورشة العظام الشعراء والكتاب والمفكرين وكذلك أصدقائى
محمد صلاح العزب ومحمد عبد النبى وطه عبد المنعم ونائل الطوخى وسلوى عزب وسمر نور وسالم الشهبانى وعبد الرحمن مقلد ورغدة صفوت والمفكرة الفلسطينية نادية والاستاذ/ حسن بدار ومحمد رفيع والقاص والروائى محمد العون وأخرين اتمنى من الله حضورهم انِشألله
كما تدير الندوة الروائية القمر / نهى محمود

كما ستصور عدسة المصورة الرائعة نهى محمود أحداث المناقشة
سيقوم بنقل احداث اللقاء على الهواء مباشرة الصديق المصورالرائع /عصام يوسف
واتمنى ان يمر اليوم على خير وربنا يستر ...

تعليقات

‏قال غير معرف…
الصديقة الحبيبة سهى
الف مبروك على كان عندى طير
تقريبا افهم ما تقصدين من هذا المعنى فالطير ارتحل وتركك وحيدة لكن هناك ريشة منه منبتة فى قلبك ستنمو وتكبر ان شاءالله وتصبح طائرا جميلا سيعيش مائة سنة واكتر ان شاءالله
مبروك ونفسى اقرا كان عندى طير
ارجوكى ابعتى نسخة لو عن طريق النت
او حتى ورقية بالبريد
كلك كرم
مودتى وحبى
اميمة
‏قال أمل فتحى عزت
اسعدنى المرور بمدونتك وأتمنى لك التقدم والمزيد من الاهداف النبيلة


كما أدعوك لزيارة مدونتى والتى محتواها


تعالوا نسافر المسافات الى زمن من المحبة لاينتهى


كما أدعوك لقرأة قصتى


(بكل لغات العالم أحبك)
‏قال شادي أصلان
الف مبروك
واحنا عارفين انك قدها :)
‏قال soha zaky
الصديقة العزيزة
أميمة عز الدين
اشكرك جدا على اهتمامك وانشألله هارسهالها لك على الميل وعلى فكرة مش انا بس اللى كان عندى طير كلنا كلنا كل واحد عنده فقد ما يخصه وحده
‏قال soha zaky
آمل فتحى عزت
اهلا وسهلا خطوة عزيزة نورتى مدونتى المتواضعة جدا ويارب نكون اصدقاء تدونين وحقيقين انشألله
ومرحبا بك فى اى وقت وانشألله هازور مدونتك ونرد الزيارة
نورتينى
‏قال soha zaky
شادى آصلان

اشكرك يا صديقى العزيز والله يا شادى انا خايفة جدا من المناقشة دى وربنا يستر وانا لا قدها ولا حاجة دا انا اللى على قدى
ادعيلى تعدى على خير يا صديقى
محاكمة عادلة ان شاء الله
تسلط الضوء على ابداعك
عقبالنا يارب
تحياتى
أول مروة أمر على مدونتك و ليست الأخيرة إن شاء الله ... لم أخيل أنه مازال هناك إناس يفكرون مثلك في وسط هذا الزخم و الضجر الذي نعيش فيه أكون في غاية السعادة لو مررت على مدونتي :
www.feesh-wa-tashyeesh.blogspot.com
‏قال eshrakatt
الجميله سهى
الف مبروك وانا عارفه انك ادها وعقبال ما تناقشى اللكتاب العاشر بعد المئه والمره دى ابقى معاكى يا رتنى فى مصر كنت ابقى معاكى دلوقتى
جميل جدا يا سهى ان الواحد يكون نزف جرحه كلمات طبعا حبيبتى كلنا كان عندنا طير وكلنا فقدناه بس الدنيا علمتنى ان همه الى فقدونا مش احنا الى فقدناهم
تمنياتى لكى بكل الناح والتوفيق وهستنه تبعتيلى نسخه
لكى منى كل الحب وربنا معاكى
انا روحى هتبقى معاكى وانا قلتلك السنه دى هتبقى من اجمل السنين والى جاى احلى
‏قال soha zaky
كلام على بلاطة
قول يارب تبقى عادلة وتعدى الليلة على خير قادر يا كريم
وعقبال ليلتك انشألله
‏قال soha zaky
أحمد طه الخشاب
اشكرك جدا جدا أنا بحاول وياريت أقدر
شكرا لمرورك ويارب دايما وطبعا من غير كلام هانرد الزيارة
‏قال soha zaky
أشراقات
مش عارفة أقولك أيه بجد انت جميلة قوى ومحسسانى انى مراهنة على روحى غلط
كلامك دا بيخلينى انى اتمنى بجد ياريتك كنت هنا
انشألله المرة جاية تكونى فى مصر وتناقشينى وابعتلى الميل عشان ابعتلك المجموعة وتقولى رأيك وانت فى مكانك ايا ان كان

شكرا يا قمر على ثقتك فى بالشكل دا ويارب اكون قدها
الف مبروك عزيزتي سهى
بالتوفيق دايما
وإن شاء الله المجموعة تحقق لك كل ما تتمنيه
خالص تحياتي
‏قال Unknown
بصراحة لم أقرأ البوست جيدا لمني نظرت عليه عامة.. يبدو كلاما رائقا لي لذلك سأعود لقرائته حتما ومؤكد ذلك ولكني الآن في عجل فأحببت فقط دعوتك دعوة خاصة مع باقة فل وياسمين لزيارة مدونتي وترك لمساتك هناك فذلك يشرفني
أنتظر الزيارة والتعليق إن أهجبك شيئ هناك
تحيتي
مدونتي هنا
http://kanyatklam.blogspot.com/
‏قال soha zaky
محمد أبراهيم محروس
اشكرك جدا ودعواتك ليا
وانشالله تبقى موجود فى ندوة وسط البلد اللى جاية
عشان تقول رأيك بصراحة ولا أيه
‏قال soha zaky
كاتب مصرى
اشكرك على الزيارة العزيزة دى وانا هاجى ومعايا فاكهة وورد وشوية شوكلاتات كدا على الماشى ونرد الزيارة
يالا على خيرة الله
نورتنى بجد على فكرة
‏قال كوارث
سعيد بزيارتك
خالص امنياتي لك بالتفوق والتقدم
ما ذكرتيش معاد الندوة
؟
‏قال غير معرف…
ياسهى اكتبي عما حدث في الندوة
لاني حضرتها و لم احضرها
انت اكثر واحدة فهمة ايه اللي حصل
وعموما انا هعرف منك برضو
‏قال سلوى عزب
http://salwaazab.blogspot.
مبروك عليا المدونة
ادخلي عليها يا استاذة
‏قال أسماء علي
الف مبروك يا قمر ..
وعايزين كل اللي حصل واتقال عشان اللي ماحضرش زيي ..
دمتِ جميلة
‏قال soha zaky
كوارث
اشكرك جدا على الزيارة وانشألله نتواصل دايما
‏قال soha zaky
مبروك يا سلوى
نورت العالم المفترض وربنا يستر عليكى من العالم الحقيقى وتأثيره على المفترض امين
ورينا الشغل يا معلم
‏قال soha zaky
د. أسماء على
حاضر انا بس مشغولة اوى اليومين دول فى الشغل واول ما اروق هاكتب الملخص بتاع الندوة لانه مهم جدا بالنسبة لى وانشره خاصة ان الحمد الله كان فى اراء كتير عاجبها الشغل واراء اقل عندها مشاكل والاثنين اهم من بعض
اشكرك جدا على الاهتمام يا قمر
‏قال Ana
فقط أسجل مرورى السريع وأعد بالعودة لقراءة أعمالك وقصصك ، أنا قاص مثلك وفى نفس عمرك بالمصادفة ، فى انتظار تشريفك دخل الشتا .

المشاركات الشائعة من هذه المدونة

العراف الاعمى

الشذوذ الجنسى

القنفذ