من الشهيدة الملائكية الى المجهول الشرير

بجد مش عارفة اعمل ايه فى الملهمين بتوعى
وأدى بوست من بوستاتى الشهيرة
وخروج أخر من الوحدة المؤلمة
أهىء أهىء أهىء

(دافعت عنك باستمامتة عند كل من يراك مغرمة بعيش دور الشهيدة ..ضحية دائما و ابدا..ولكن من الواضح انك تحبين هذا بالفعل وأرجو ان لا تفقعينى بوست من اياهم انا كمان ...أصل لاحظت ان كل ما حد يضايقكتنزلى بوستاتك الشهيرة لمحاكمة الشياطين الذين تجرؤا على ملائكيتك ال مش عارف اية....تاجرتى بما يكفى بمشاعر الاخرين..و استثمرتى ما يكفى منها لصالحك..الى متى ستلعبين دور الفراشة الرقيقة و تفصلين الاحداث على مقاسك..خاصة اذا كان مقاسك يحتاج لبراح اكثر قليلا مما تحتمل الحقيقةانا واحد بتشوفى امة كل يوم على ام التكعيبة..بس هو اجبن من انة يقولك دة فى وشك سلام يا...ملاك)

اهلا بيك
والله انا كنت ناوية اريح شوية من الكتابة فى المدونة علشان عندى حاجات اهم (التكعيبة مثلا ) لكن اشكر المجهول أو المجهولة لاستفزازى لخوض معركة وهمية عظيمة جديدة لاننى بمجرد قرأتى التعليق فكرت اعمل منه نسخ كتير وانزل بيها على التكعيبة واطيح فى اصحابى كلهم بشخط ونطر وعصبية وبكاء شدييييد واشحتف وانا ببربر واتف وانف واقولهم يا خونة مين فيكم اللى كتب التعليق المهين دا ، لكن بصراحة لما هديت شوية من الصدمة وشربت كوبية شاى بلبن مع موسيقى موتسارت عبد العزيز ، وضوء عظيم موحى من لمبات النيون الكتييييرة حواليا قلت ما بدهاش دا يابت حد عايز يشتهر على افاك وطمعان فى هدومك اللى نصها شحاتة وانا بصراحة ماليش افا ، وغير كدا فعلا الهدوم اللى بالاقيها يادوبك على قدى لانى تخينة ودى طبعا حاجة مش مستخبية ، انا سعيدة سعيدة سعيدة بجد سعيدة انك يا مجهول حاططنى فى دماغك اوى كدا بجد فى قمة سعادتى لو كنت متابعنى كويس كنت عرفت ان من اهم حكمى العظيمة هى ....

"يتأكد وجودك بوجود من يكرهك"
أشكرك اوى انك مركز معايا للدرجة دى والنبى ابقى تعالى قاسمنى فى مكسب المشاعر اللى تاجرت بيه واستثمرته فى المضاربة فى البورصة واللى خلانى ايه حاجة مفتخرة .
يعنى قصيدة شعر لسالم الشهبانى مع قصيدة لخالد عبد القادر وقصة لاسماء ياسين وحكاية رائعة لطارق امام مع قفشة فكاهية لباسم شرف ، ومعركة جديدة لطه عبد المنعم ، او فى بوست جديد لازم تقراهلنا نهى محمود حالا ، شاركنا مكسبى التجارى وانا بتخانق مع طه على الكتب اللى معاه وهو يقولى هاتى اللى عندك الاول قاسمنى مكسب المتاجرة فى مشاهدة مسرحية فى روابط او حضور ندوة مهمة فى ورشة الزيتون اوندوة جبريل و صالون علاء الاسوانى فى الخميس المقدس بتاعى ، أو حفل توقيع فى عمر بوك ستور وديوان ، شاركنى مكسب المتاجرة بمجموعتى القصصية الجديدة والرواية ، هيا تعالى شاركنى مكسب المتاجرة بمشاعر الناس الذين رحلوا عن عالمى تماما وهم احياء يرزقون لا أعرف عنهم شيئا ولا يعرفون عنى شيئا ، انت بالفعل تعرفنى جيدا ؟!
ههههههه
واللى انا متأكدة منه أنك مش من الناس اللى بيقعدوا فى "التكعيبة" اصلا ، لأنهم كلهم مش محتاجين يقولوا حاجة زى دى من غير ما يقولوا هما مين ، على فكرة كمان المساحة اللى بينى وبين الناس اللى بقعد معاهم واصحابى كويس اكبر بكتير مما تتخيل ، يعنى يجى اد من هنا للمنصورة كدا ، او من هنا لشارع الحوسة والخيبة الكبيرة اللى هو شارع الضباب.. وابقى قعد معانا مرة وانت تتأكد بنفسك يا جميل ..
والله والله والله والله انا فى قمة نشوتى حالا ، يمكن يكون حد مسلطك تفرح قلبى عشان ابطل احس بانى مسكينة مسكينة وغلبانة
هه هه هه هىء هىء هىء


تعليقات

‏قال محمد رفيع
سأبدأ اولا بتعريف الشخص المجهول : الشخص المجهول هو الذى يجهل نفسه فى البداية ويجهل طريقه ثانيا و يوارى جهله بذاته وراء العبث والاستغماية لعبة الاطفال الذين يجهلون ذواتهم وطريقهم . اصحاب النظرة الحدية للوجود ملائكة - وشياطين حقيقة وزيف خير وشر – أدافع عنك وا كتشف انك ..... بابا وماما الذين تربوا على الدراما التلفزيونية وبريد الجمعة . المساكين ابناء بلادى الذين سقطوا رهن ثقافة القطيع وخدعتهم الانترنت واستهلكتهم و شوهت وجودهم واعطتهم فرصة لان يظنوا ويحلموا ويبتعدوا عن الواقع ويفترضوا . أنا لا أدافع عن سهى هنا فليس لى ولها حاجة الى ذلك انا أدافع عنك ايها المجهول و أدعوا سهى الا ترد عليك ايها المسكين ، وكفى انك ترى الاشياء بالمقلوب وكفى عليك انك انت . يا معلوم ، انت حتى لا تستطيع ان تخفى نفسك جيدا . اشتر اقنعة اغلى ثمنا لكى تخفيك عن نفسك فأنا مشفق عليك حين تراها وتكتشفها – ما دمت مازلت تكتشف - أرجوك يا حبيبى يا بنى شعبى استتر أكثر عن ذاتك لا عنا لانا نعرفك ، وأعلم ان مجالك الحيوى وعمرك الافتراضى –ما دمت تحب (ى) الافتراض- هو عمر جهلك بذاتك لانك يوم تعلم لن استطع ان احميك من نفسك ولا من قرينك . دمت جاهلا وجميلا وافتراضيا وروحانى - او غير ذلك .
‏قال fawest
الحقيقه لما قريت تعليقه، قعدت أغنى مع سهير البابلى وأحمد بدير
مين مين مين مين مين مين
وفى الاخر قلت
أم أم أم أم
ده مش ممكن يكون بيقعد على التكعيبه
لان الكل فيها شجعان، مبيخفوش من جو وسط البلد، ولهذا مسحت تعليقى وكنت محضر كيبوردى عشان أرد
أنتِ تعرفين مغامراتى التدوينيه
ولكن حضرتك قمتى بالواجب وزياد
فوتى على الفرصه يا سهى

المهم
مما سبق ذكره

فقد تناقشنا يا سهى فى هذا الموضوع قبلا

قليل من الكره لا يضر

بل هو مفيد لإستقامه الحياه
الحياه مش علطول أبيض لازم يكون فى أسود عشان نفدر نشوف الابيض ونحس بجماله
بس السؤال المهم فين وأمتى

فين دى ... مش عندنا
وإحنا لا بنقبل نتعامل مع بعض كدا.الحب والود بيخلونا (الاسماءالتى ذكرتيهاومع إنك نسيتِ رفيع وسلوى)نشوف بعض أوضح وأجمل
إحنا التوب الابيض والباقى وساخه لا يهمنا إزالتها

أمتى دى...برضو مش وقتها بينا
وقتها لما نختلف مع من يكرهونا
مع من يكون وجهه نظرهم فى الحياه ضيقه و سطحيه، مثلا مع الراجل اللى قال حكايه الضعف الانسانى
لو كنت موجود كنت نهشته بكلامى

وأخيرا يا سهى

قليل من الكره لا يضر
‏قال teba
سهى
لا تعليق على ما كتبتى
ولكننى اريد فقط من هذا المجهول الفظ
ان يكون بالجرأة الكافية ليعلن عن
هويتة ..فا انا اعتقد انة اذا كان يهتم الى هذا الحد بابداء وجهة نظرة فا الاولى ان يهتم بأن يقول من هو
حتى لا يتهم آخرون..وحتى لا يلتبس الامر .على صاحبة المدونة شخصيا و التى أعلم جيدا انها لا تهتم بما قيل من الاساس
ولكن يبدو انك انت من تبحث عن الاهتمام و الانتباة بالفعل
‏قال fawest
على فكره يا طيبه
جملتك الاخيره ليس بها ما يعيب
بل لعل كل مبدع لديه هذه النزعه بشكل أو بأخر

وأنا أعرف أناس تمكنت منهم هذه الحاله بشكل مرضى لأنهم ببساطه عندهم تربه خصبه لزرع الكراهيه والحقد

وأبشرك سهى أبعد ما تكون عن هذه الشخصيات ، بل على العكس تفضحهم، هذا من قربى القصير العميق منها فى الفتره الاخيره

لا أقصدك أنتِ
ولكن بدون إنحياز
لقد رأيت فى سهى شهيده يرميها الحاقدون بالطوب لكى تغلق فمها الساحر
‏قال غير معرف…
هههههههه

اية يا جدعان..هى الثورة لسة هاتقوم تانى ولا اية..الاخ بتاع بنى شعبى دة
واللى جاب سيرة ابويا و امى و تراثثنا القومى..قشطة يا عم..اصل واضح اوى مين فينا اللى متأثر
بالدراما التليفزيونية



الاخ قاوست
وانت بقة بتاع الثوب الابيض وقليل من
الكراهية لا يضر
..بيعجبنى عمقك النادر ووجهات نظرك النادرة..الحياة مش ابيض و اسود
هههههة.. ورغم دة قسمتها يا عزيزى
انتم التوب الابيض وانا وساختة
بس شكرا برضة


و الست طيبة
انا أقول انا مين دى حريتى الشخصية ..اشمعنى انتى مبتقوليش انتى مين ولا عشان طلعة بصورة و اسم مستعار تبقى عملتى اللى عليكى..وبعدين موضوع الاهتمام و البحث عن الانتباة دة واضح ان انتى اللى بتدورى علية
تعاليلى و انا أكيفك ..يمكن تغيرى رأيك فيا

سلامى و احتراماتى للجميع
المجهول الملعون..
‏قال fawest
يؤسفنى أن ينزل مستوى الحوار معك الى هذه الدرجه

تذكر يا من لست صديقى المجهول
انك قلت انه جبن ان لا تعلن عن شخصيتك وليست حريه شخصيه

و إتخاذ الهويه المستعاره ستار للهجوم شئ وإتخاذه للتعبير عن أفكار ومعتقدات

أول مره أشعر أنى أملك من القوه والغضب ما يكفى إذلالك جنسيا و معنويا

أفه رجل مثلك أن يتخفى فى ثوب حشره
‏قال mahmoud
يا مجهول
عايز اقول لك
(...........)
و طبعا واحد بالمستوى بتاعك هيفهم انا بقول ايه

لو انت بتتكلم عن الحرية فى اظهار هويتك فمش دى الحرية انك تتكلم بالاسلوب ده..و على فكرة انت محتاج تتعالج نفسيا لان دماغك متركبة غلط و باين عليك متعقد من حد فى اهلك و العقدة دي شكلها متأصلة فيك من طفولتك

و اخيرا احب اقول لك
(.... .....)
‏قال fawest
نسيت أقول لك ملحوظه اخيره
يا حضره المجهول الملعون

أنا،وغيرى من شجعان التكعيبه،لسنا من الملائكه ولا أدعى لنفسى ثوب الطهاره واللون الابيض الناصع

أستم وأسب وألعن
وهذا من بقايا طينبه الانسان على الارض

ولكن
أبدا
أبدا
لا نهين النساء
لا نهين النساء
وأنت بفعلتك هذه تعديت خطوط حمراء عريضه وكثيره
لا تغتفر

يبدوا انك تعرفنى انا أيضا
وإذا كان مناوشتك تعتبرها،لسخريتك ، نوع من الهزار
فقد أخطأت خطأ كبير
‏قال soha zaky
رفيع
كم لخصت جانب كبير من شخصية فأرنا الذى دخل معملنا بأرادته

و
فاوست
أرأيت يا صديقى أن هناك من يراك برؤيته الداخلية لذاته
انه يصنع لنفسه عالما زائفا من الافكار والتصورات ويصدقها
ليريح نفسه من عناء المشاركة مع الناس والارتباط بالواقع

و

طيبة
أعتذر لك بشدة عن ما صدر من هذا المجهول الملعون كما لقب نفسه وتابعى ردى
اعتذر فعلا
و

ونيس الذى شرفنى للمرة الاولى بالاضافة الى ترحبيى الشديد بزيارته احب
أن

أعتذر لاصدقائى جميعهم عن ما بدر من المجهول المسكين ، اعذرونى اسمحوا لى ان اقول عنه مسكين ، فهو لا يقوى حتى عن الدفاع عن نفسه بشكل متحضر وراقى ، فهو يكشف عن هويته بشكل متدنى الى اقصى حد ، ولو اعتبرنا اننا نمشى فى الحياة فنجد فى السماء عصافير وحمام فاننا بالضرورة سنجد ذباب وهاموش وجراد وابو دقيق
واذا اعتبرنا ايضا اننا بديهيا عندما نجلس فى مكان ما نستمتع بشرب الليمون المثلج فانك بالضرورة ستفاجأ بصرصار او حشرة غريبة تسللت على ترابيزتك لتقرفك ولكنك ببساطة تزيحها بمنديلك الورقى متأففا وتكمل احتساء الليمون بلا اى مشكلة
فهكذا هى حياتنا جميعا ، حياة من يضيئوا بنورهم ظلام الطرق فيفاجأوا بجرذان متوحشة تخرج من الجحور وبمجرد ان تخبطها على رأسها تكتشف كم هى ضعيفة وهشة ، مجرد جرذان
هيا يا اصدقائى نفضوا عنكم هذا المجهول الابله ولا تلقوا له ولو وكان بالشجاعة الكافية لاعلن عن نفسه ببساطة
ويكفى اننى اعرفه جيدا جدا ام نسى اننى ساحرة شريرة
وليسخر كيفما شاء بعد ذلك او بالادق فليخبط رأسه فى شاشة الكمبيوتر الان وهو يقرأ هذا الرد
رغم اني معرفش خلفيات الموضوع و لا سر هذا الهجوم و الدفاع و اللي جاب جون بس حسيت ان المجهول ده اتغسل و اتنشر و اتكوى و بقى ميت فل
اي خدمة مع تحيات مغسلة التكعيبة للخدمة السريعة

فرصة سعيدة
تحياتي
‏قال soha zaky
سمبتيك يا قمر
بزمتك ايه رأيك ، مش بقى عبرة ، ، حلوة مغسلة التكعيبة دى ، هابقى اقول للجماعة كلهم عليه ، بس عايزا اقولك بقى انك نورتينى على فكرة
خطوة بجد عزيزة يا سمبتيك
ايه نبقى نعمل مشاكل كتير بقى عشان تنورينا ولا ايه
‏قال KING TOOOT
لو كان فعلا قلبه عليكي . ليه متخفّي ؟
ما يقول و يعاتب قدّامك كده و يصفّي
يا سهى كبّري مخّك منه دا باين عيّان
زي ما بقولوا في لبنان .. كده بيكفّي
و عجبي
KING TOOOT
‏قال soha zaky
كنج توت
نورتنى اولا ووحشتنى جدا جدا ثانيا
ومش عارفة بجد اقولك ايه غير اشكرك على احساسك الشاعرى والشعرى الدائم
حفظ الله موهبتك حتى البعث يا صديقى
‏قال nael eltoukhy
والله الراجل دا شكله راجل محترم، وبغض النظر عن كام كلمة ماحبتهمش منه، فشكله فذ فعلا، ورده هنا اجمد كمان من الرد اللي كان ف البوست الرئيسي، ودا في رايي انا، وطبعا فيه ديمقراطية في البلد زي ما كلنا عارفين

:)

اسف يا جماعة بس دي كلمة انا بقولها وربنا هيحاسبني عليها يوم القيامة
أولا العيب في شخص لمجرد ابراز ان لي وجهة نظر مختلفة
شيء متخلف
قد يجتمع الناس على حب شخص أيا كان من هو ويأتي شخص ليقول لهم ده فيه العبر وكذا وكذا عشان يلفت الانتباه له
بيبقى شيء هايف جدا
لو الأخ المجهول بيقصد أن يكون بهذا الشكل فكان من الواجب أن يعرف نفسه حتى يكسب الأضواء أما أن تلعب تلك اللعبة وأنت لا تدرك حيثيتها تبقى حمار ولا مؤاخذة
ده من باب المجاملة طبعا ليك
الهجوم عليك ضاري وأنت غير معروف للمجموعة وبدأو يشكوا ده بيقعد معانا ولا لأ
أولا معرفتي بسهى
لا تتجازو إلا ردود في النت
ولكن حقا ربما هناك شيء خفي حببني في مدونتها
مجموعة معينة من المدونات أشهرهم بالنسبي لي مدونة نائل
وومدونة سهى ومحمد صلاح العزب
شيء غريب أنك ترتبط بحواديت وبشر عن طريق مدونات
لكن اللي حبنني في مدونة سهى شيء مختلف نهائيا
احساس غريب وأنت بتفتح المدونة
تشعر أنك داخل عالم امرأة محبة
عشقت زوجها للنهاية
امرأة تقدر الحب بكل صوره
امرأة ترى فيها صورة أمك وأمي
وأم الجميع
تشعر فيها بريحة مصر
ربما لم أتشرف أن أكلم سهى مباشرة وجها لوجه في يوم من الأيام
ولكنني أطمنها بجد صعب حد يكرهك
بجد
لأن من الصعب حد يكره امرأة بهذه الروح وهذا الجمال
‏قال غير معرف…
أستاذ نائل
انا قررت معلقش تانى على الاساتذة الموقرين و القائمين باحلال العدل و الدفاع عن حقوق المستضعفين و المدعين على حد سواء.. بس دخلت ارد عليك ..طبعا محدش هايفهم دلوقتى التعليق الرئيسى بتاعى من الفرعى لأن الاستاذة سهى روحانيات مسحتة
....اصلى قلتلها مش عاوز بوست يبروزنى و النبى بس هى اصرت ودة كرم منها تشكر علية انى اتبروز فى التكية التنبؤية
شكرا يا استاذ نائل مش عشان دافعت عنى او لأ...عشان وعى البتى ادمين بيتقاس بقدرتهم على تحمل الاختلاف و تبنى الرأى الاخر..صحيح انا زودتها و بعتذر على الكام كلمة دول..بس مازالت الاستاذة المعنية بتتاجر برضة مفيش فايدة..ولو بلوجها بيدل عليها هاتبقة انثى محصلتش..بس يعنى من امتة هدومنا بتدل علينا..مش فية اندر وير و جلد و حتت ضلمة..
ولا بلاش بقة نييجى جمبها تانى..اصلها مصاحبة اسيادنا وواصلة وبتشوف من غير نضارة و معدية و ربنا بلاها بالبصيرة و الرؤية
اللى بلتنا بيها
دستور يا ذكوة
وصباح جميل على الكل
‏قال شادي أصلان
السلام عليكم ايها الناس
اولا دي زيارتي الاولي للمدونة دي وبجد مش عارف اول ما دخلتها حسيت انها مختلفة ومميزة
ثانيا انا مكنتش ناوي اشارك في البوست دا خالص اصل انا مش بحب ادخل اقول كلام زي الي الناس كلها هتقولو
بس الكلام بصراحة اثار داخلي جدل عن امكانية ان اكون متخفي وهل هذا حق مشروع ام لا... اسمحلي ايها المجهول الملعون انت حر انك تكون مجهول ومحدش يقدر يقولك حاجه
واللعنة دي مش باديك بس اهو قدرك
ممكن تكون مجهول لاسبابك الشخصية وتعبر عن وجهة نظر وتعبر عن مستوي فكري دي حاجة ترجعلك مفيش مشاكل
انما لما يوصل الموضوع لابدأ رأينا في الاخرين مينفعش اقول كلام مرسل كدا واجري معني ان اكون املك القدرة والشجاعة لكي ابدي راي في احد مخاليق ربنا ودي طبعا حاجة مش سهلة يبقي لازم معملش دا بالشكل الي يجرح طرف الرأي الأخر.
وخلي بالك لو شفت الكلام دا ارجوك بجد ارجوك متردش عليا رد متدني

واخيرا اسف يا استاذه سهي اني تطفلت علي مدونتك بإبدأ رأي متواضع
بس الي شجعني اني قابلتك قبل كدا في حفلة ديوان بتاعت طارق يمكن متكلمناش خالص بس بان عليكي انك انسانة
سلام
‏قال soha zaky
نائل صديقى الحبيب
نورت تصدق لو كتبت الكلمتين دول وعملت فيها مجهول كنت هاعرفك ما انت عارفنى بقى خزاعبلات
وطبعا مفيش داعى تتأسف على رأيك انت فعلا حر تماما فى رأيك

اما المجهول العظيم

العفو
منور
‏قال soha zaky
محمد ابراهيم محروس

انا بجد مش عارفة ارد اقولك ايه ، انت مدينى اكتر من حقى فعلا ، واللى عايزا اقولهولك انه تصور ان الشخص دا كان بيدعى فى احد الاوقات ان صديقتى جدا ولكن للاسف الشديد زى ما انت شايف
يمكن مكنش اعظم ام ولا اكون زوجة مخلصة عظيمة لزوج راحل ولا أكون اى شىء عظيم ، بس مفتكرش ان فى داعى اصلا لان المجهول العظيم يقول رأيه فى بهذا الشكل لان ببساطة مكنش فى استفتاء عليا مثلا عشان ابقى الام المثالية السنة دى او احصل على جائزة علوم الروحانيات من كبرى الجامعات الفلكية او مثلا فى تحقيق صحفى بيتعمل عنى عشان اخذت سفير النوايا الحسنة
كل الحكاية يا استاذ محمد ان قرأ بوست عاجزون فاستفذه جدا وواضح انه لمس فى حاجة عنده ، فكانت هى دى النتيجة
ودى الحاجة اللى خلتنى ابروزه فعلا زى ما هو قال ، انه قارىء حقيقى ومهم لانه تأثر بشىء كتبته الى هذا الحد
بمعنى ادق ضغط على دمل كبير قوى عنده فحب يرمى عليا صديد الدمل بتاعه دا لانى السبب
وعموما يا استاذى انا بجد بشكرك
جدا جدا
‏قال soha zaky
شادى اصلان

ولا اهلا بك زائرا جديدا عزيزا فى مدونتى واشكر المجهول الذى تسبب فى ان ترانى بهذه الصورة دون ان تعرفنى جيدا ، فله الفضل فى ان تحاول اكتشافى بان قرأت ما سبق وعلقت عليه تعليقا رقيقا وجريئا ، واشكرك للمرة الثانية بالطبع على حساسيتك الراقية فاعتذارك عن ابداء الرأى ، فهذا من حقك تماما وانا لو اردت الا أقبل تعليقات لأحد لفعلت مثلما يفعل الكثير من المدونين بعمل مراقبة على تعليقاتهم قبل نشرها ، وسأظل هكذا حتى ولو اصبح هذا المجهول جيش كبير من المجهولين
ويكفيه فقط يا شادى انه من وافق على ان يكون مجهووووووولا
فمرحبا به فى أى وقت
وطبعا انا سعيدة بالتعرف عليك واعذرنى انى مش قادرة اربط الاسم بالشكل او كنا تعرفنا ولا لا بس عموما يسعدنى التواصل دائما
ويكفى ان جمعنا الكاتب الجميل طارق امام
‏قال soha zaky
كان ذلك الذنب مجرد إهانة لهؤلاء الأوغاد الذين يختالون مرحا
يفضلون اللعب فى الخرابات والظلام برائحتهم العفنه
كم جميلا أن تتمتع ببصيرة لتتأكد انك لم تكن يوما عاجزا
فتعرف تلك التعليقات المعلنة والغير معلنة عبر الآثير وبين الكراسى على المقاهى وبين العيون متصنعة البراءة
من يجرمون ملائكيتك الزائفة أو يشفقون على شهوتك وشبقك المكبوتين
هذا بخلاف من سيجلس بعيدا فى صمت الحكماء ، وبابتسامة ساخرة يظن انه سببا عظيما فى احساسك المتضخم بالعجز
نعم ربما كان هناك الكثيرون والكثيرات سببا فى احساس اخرين واخريات بالعجز
لكن فى الحقيقة هم يعلمون جيدا انهم هم العاجزون

تحية لك ولقوتك التى ترفعك دائما لسابع سما
وتحية لى على تحليقى الدائم للرؤية والعودة لى كما أنا دائما
فخورة بتشوه العجزة
‏قال غير معرف…
يا سيدتى
دمتى لى دوما لتنقذينى من شرى و غرورى وتوهانى..انت فقعتى عندى كل دماميلى و ليس واحدا فقط و استفذيتى وجدانى و كبريائى و حررتينى من خطايايا و اوجاعى
قرأت بوست عاجزون فواجهت مرآة ذاتى الشريدة و شعرت بالمهانة و التوهة و جئت لللانتقام و الثأر
ولهذا فالتعفو عنى سيدتى
وتحت قدميك اهدى قرابينى واقدم ولائى
وطاعتى..واعلن توبتى واطلب الرحمة من كلماتك التى تعرى الذائف و تكشف الخائف
وها انتى تنتصرين ثانية بكلماتك التى قهرتنى و حملتنى ما لا احتملة
أطلب المفغرة و السماح
ولتقللى من لهيب حروفك ومعانيك
حتى لا ينهى العبد للة حياتة
شهيدا لها
‏قال soha zaky
بما أنى اتاجر كما قلت سيدى فأنا ساسامحك بالطبع ولكن بعد تقديم القرابين والولاء والطاعة
اما عن التوبة ، فلتسأله الاله الاعظم تحريرك من شعور الذنب القاتل اولا حتى تتطهر بالتوبة المرجوة يا عزيزى
ودمت ناقدا لاذعا لى ولغيرى
ولكن وانا ارجوك ان تتأنى قليلا قبل فعل ذلك مع احد غيرى
فأنا احتملت لان طاقتى الروحية العظيمة كما تعرف استطاعت ان تتسامى فوق الغضب وتحملت وربما تعفوا اذا قدمت القرابين كما قلت
اما غيرى فلن يكون له فيك دية يا عزيزى
ورغم كل ما فعلته هنا فأنى لا انكر ان طبعا دمك خفيف جدا
واهلا بيك وبرأيك المنيل بستين نيلة فيا وعموما هاقولك ايه
كل قوى فى الاقوى منه
‏قال غير معرف…
انا مستغربة قوى من الموضوع ده ، عمرى ما تخيلت ان حد معنى بالتعبير عن رأيه بعيدا عن التصريح باسمه أو غيره ممكن يهين حد تانى عبر عن رأيه أيضا ، إلى أن وصلت لرد المجهول عن قبل طيبة لم تكن هناك مشكلة ، لكن كيف يسامح المجهول نفسه عن لغته نحو طيبة ، ثم إنه حتى الأن لم يعتذر لها ، والحقيقة انا غريبة عن عالم المدونات ، لكن أعرف سهى ولن أرد بوجهة نظرى فيها هى تعرفها جيدا لكنى تعجبت من رد فعلها جدا ، من المفروض أن لا تسمح لأحد بدفعها للنيل منه باسلوبه سخريتها والأصدقاء من المجهول زحفت بهم إلى أرضى وعن نفسى لا أرضى لها هذا
‏قال غير معرف…
أقصد طبعا أرضه

المشاركات الشائعة من هذه المدونة

العراف الاعمى

الشذوذ الجنسى

القنفذ