نونو فى اول يوم مدرسة

Monday, December 24, 2007

أختبار اجازة نصف العام والعيد الكبير ؟!

علل كل سؤال من الاسئلة التالية مع ذكر أمثلة :
س 1 : من السبب فى غرق الميكروباص الذى حمل داخله 19 راكب فى النيل ؟
ج : أأأأأأأأأأأأأ .. مش عارف اكتب ايه
س 2 : كيف تحمل معدية بين شاطئى النيل هذا الكم من البشر داخل حافلات
ثقيلة كالتاكسى والميكروباص ؟!
ج : لأنه لا يوجد طريق مفتوح بين البرين .
س : لماذا لا يبنون كوبرى يصل الشاطئين ؟
ج : لأن الدولـة فقـيرة وليـس لديها امـوال تكفى لهذه الرفاهية ، ليتصرف
العابرون أما بركوب المعدية أو بالعوم فى النيل بملابسهم ، لايوجد مشكلة
على الاطلاق ، فالدولة على ثقة بأن أبنائها يجيدون التصرف !
س : لماذا دولتنا فقيرة ؟
ج : لأنه لا يوجد ضمير فالموظف لا يجيد عمله ، ويهدر وقته بالنوم والجلوس
على المقهى وكان ناقصـنا "المدونات والفيس بوك" على أســـاس أن الموظفين والموظفات وأنا إحداهن هم
المسئولون عــن فقر البلد فليس لديهم أى ضمير على الإطلاق ، فهم يأخذون ولا يعطون ، فالدولة تصرف
لهم ليعيشوا عيشة كريمة وعطية وعبد العال ، أى نعم ، فهم كسالى مما
يؤثر على الوارد والصادر ، فهم يأكلون ويشربون ولا يدفعون ...
فإذا نحن السبب .

بالتحديد انا وأنتم السبب فى غرق 3 اطفال وموت 16 كبار واصابة 3 اصابات خطيرة ، انا وأنتم السبب ، فأننا غير مهتمين بزيادة مـوارد الدولة لتقوم ببناء كوبرى بين شاطئى النيل ، انا وأنتم السبب لاننا نعمل أكثر من 7 ساعات فقط لمدة 26 يوما فى الشهر ويتقاضى الموظف المحترم مننا 500 جنيه فى الشهـر انا السبب لأن كان لى زوج مريض مات فى أخر الأمر لأن الاطباء كانوا اتقياء جدا ويراعون الله وأنا غير محجبة ولم أحجب ابنتى وقت ولادتها وأن هذا حق على تجاه البشر المسلمون فى كل شىء حتى المرضى ، فالأطباء الأتقياء يقدرون ما تفعله الدولة للمواطنين المتمردين فكأنهم يضيفون فى حلف اليمين الخاص بالاطباء وقت التخرج " ونتعهد بتخفيف النفوس الجائعة " ... فكان مصير زوجى أن يستشهد فى معهد ناصر ومن قبله أمى شهيدة فى مجزر معهد الاورام بالقصر العينى ومصير كل مريض ومعافى إن لزم الامر أن يصير فداءا للوطن ولتوفير لقمة العيش لى ووله ولأبناء الوطن جمعاء فهى المعادلة محسوبة " يعنى لامؤاخذه روح قصاد روح " تركيبة قدرية أدمية صنعها البشر الدوليـون أمثال مسئولين فى دولتنا " اللى انا معرفش مين هما بالضبط "
وأخيرا أعتقد
أنه أنا وأنتم وابنتى ذات العامين السبب فى غرق الميكروباص وحادث المترو وما يستجد ...
اقول قولى هذا واستغفر الله لى ولكم

9 comments:

كراكيب نـهـى مـحمود said...

يعني نفهم من كده انكم تبتم ومش هتعملوا كده تاني

حبة حاجات (ايمان) said...

متهيالى محدش يقدر يرد على السؤال دا

ودا معناه ان لسه فى اسئله كتير لسه هتتسال وبرضه محدش هيرد عليها

تحياتى

fawest said...

عشان مش عاوز أحمل نفسى ذنوب أكتر من كده
مقاطع الاخبار و التلفزيون
كفايه ألف بنى أدم فى العباره سالم متحمل ذنبهم

Akram said...

هما احنا احنا هما و فى الآخر هنفضل كدا هييجى اليوم اللى احنا هنبقى فيه معاهم نقول يارب و ننطلق



أكرم العوضى

مروة الزارع said...

عارفة انا بجد مش عارفة فى أجابتك على السؤال بتتريقى ولا بتتككلمى جد

يعنى اية نطور موارد اصلا
احنا فى بلد مش عارفين ناخد اماكنيتنا ولا اى حاجة تخلينا نعمل اى حاجة

مين دة اللى بيشتغل 7 ساعات وبياخد 500ج .. دا صاحب الشغل فى اى حتة بيكفر اللى شغال عندة على كل قرش
وإن كان فية شغل أصلا

العيب مش عيبنا

محدش لقى حاجة يعملها اصلا ومعملهاش

خريج الحقوق بيشتغل فى الزراعة

والزراعة بيشتغل مدرس علم منفس

مفيش اصلا تمنية للقدرات عشان ننميها

وهو صح البلد كلها مواظفين حكومة

بصى للقطاع الخاص

بصى للشباب المدمر اللى مش لاقى شغل ولا لاقى يتجوز

بصى للبلد اللى الشباب كلهم بيشربوا مخدرات ومسطولين عشان مش عاوزين يفكروا لا يفتكروا

...........

تحياتى ليكى

مدونة جميلة

اتمنى مزيد من الازدهار

سنة جديدة سعيدة

سهــى زكــى said...

كراكيب

لا من الواضح اننا مش هانتوب ابدا واظن شفت اللى حصل فى اسكندرية ، اصلنا روحنا زيارة

حبة حاجات (ايمان )
فى فعلا اسئلة كتير ملهاش اجابات


فاوست
انت هاتستعبط مش انت اللى كنت قالب قطر الصعيد ولا ايه ما احنو دافنينو سوا ....هههههاى

سهــى زكــى said...

أكرم
تفتكر هايجى يوم نفهم حاجة

مروة الزارع

عندك حق مية بالمية ربنا يسترها علينا

Akram said...

اعتقد مش افتكر إن هايجى اليوم اللى احنا اللى هنفهم يه الناس كل حاجة مادام بكرة لسه عايش يبقى احنا هنعيش و نغير


أكرم العوضى

سهــى زكــى said...

اكرم ، قول يارب يارب يارب