نونو فى اول يوم مدرسة

Wednesday, December 5, 2007

زعيمة الأغنية العربية

ماجدة الرومى
نمت ذائقتى الموسيقية على احدى شرائطها الاولى
التى غنت فيه ( ماحدا بيعدى مطرحك بقلبى
خدنى حبيبى على الهوا _وعم يسألونى عليك الناس وكانوا يشوفونا سوا - وانا عم بحلم ليل نهار)
وتلك الالبومات الدينية التى غنت فيها للسيد المسيح والسيدة العذراء وتراتيل عيد الميلاد
وكذلك الاغانى التى تناجى فيها لبنان )
لم أكن اعرف وانا طفلة استمع لتلك الشابة ماجدة الرومى التى رأيتها فى عودة الابن
الضال صغيرة وتشبه الكثيرات هنا ، انها ستصبح بصوتها القوى الدافىء
وعينيها الحوراء الحادة النظرات زعيمة سياسية على منبر حر
وقفت
ماجدة الرومى
تشدو بأغنيتها سيدى الرئيس بعد أن
ناشدت مسئولى لبنان ان يتحدوا على كلمة واحدة
او يرحلوا ويتركونهم فى سلام
وقفت بملامحها الجميلة الرقيقة لسيدة تعدت الخمسين من عمرها
فرحت بزواج ابنتها عن قريب لا يبدو عليها الهم ولا العجز
وقفت تعلن بكل جرآة موقفها السياسى
ترى هل هذه مجرد مطربة رائعة الصوت والاحساس
ترى هل هذه الاميرة الراقية التى تكره الالقاب
والمسميات والتى تعشق بلدها عشقا لا حد له
التى اتخذت الغناء رسالة للسلام فى الشعوب
آلا تستحق ان تحصل على زعيمة الغناء العربى
احيى ماجدة الرومى على حسها الفنى الواعى وثقافتها النادرة بين معظم مطربات جيلها وما بعد جيلها وما قبل جيلها
احيها حقا على انها من ضمن المطربات الشهيرات التى اتخذت هذا الموقف السياسى الحاسم
هناك الكثيرات يحاولن فى الظل ، ولا تتعدى محاولاتهم ساقية الصاوى مثلا ، ولكن هذه السيدة
خرجت الى العالم كله تعلن عن غضبها من الواضع الراهن فى لبنان
ترى هل ينقصنا هنا شىء ؟!

10 comments:

حسن ارابيسك said...

سبحان الله
نشنتي على روائع لماجدة الرومي
لها معي كثير من الذكريات الجميلة لإنسانة عزيزة علي من لبنان
أهدتني الألبوم الذي يحمل كل تلك الأغاني التي ذكرتيها
فكتبت لها قصيدة بلسان حالها
حينما كانت مغتربة بأمريكا

العزيزة سهى
استغفر الله أن أقذف الناس بسوء
ثانياً أنا لم اتكلم عن الجوانب الانسانية لا من قريب ولا من بعيد
لأنني لم أحتك بأحد منهم على المستوى الإنساني
بل فقط تكلمت داخل محيط التدوين كمدونين
وشتان بين هذا وذاك
سامحكِ الله
ولكم مني كل التقدير والاحترام

reem said...

مبرووووووووووك على شكل المدونة الجديد وبالمناسبة ادخلى على مدونتى عايزة رايك
http://tasawir.blogspot.com/
ولى عودة للرد على الموضوع

Akram said...

يااااه من زمن و أنا مدخلتش على العالم بتاعك بجد كان نفسى من زامان أوى اخش بس حصل خير بقى و مبروووووك على الشكل الجديد و دايما عايشة فى جديد :)

أكرم العوضى

Ahmed Shafie said...

"تعدت الخمسين من عمرها
فرحت بزواج ابنتها عن قريب لا يبدو عليها الهم ولا العجز "

هوني عليك يا سهى! كل واحد بياخد نصيبه يا سهى

Ahmed Shafie said...

هوني عليك يعني ماتخديش على خاطرك قوي كده

rafie said...

صححححححححح

كريم بهي said...

اكيد بينقصنا اشياء كتيرة
انا بحب ماجدة الرومى اوووى

مبرووك الاستايل الجديد دا فعلا نيولوك هايل دا بمناسبة ايه يا سهى ؟؟

تحياتى ومبرووك مرة تانية
وابقى اشكرى نهى محمود على رجوعها لما تشوفيها

كريم بهي

تائه في الدنيا said...

انا بحب ماجدة الرومي اوىىىىىىىىىىىىىىىىىىىىى

سهــى زكــى said...

حسن أرابيسك ، على فكرة ماجدة الرومى مفيش كلام يتقال عنها ، دى تتحس بس ، وبعدين انا مقلتش انك بتشتم حد لا سمح الله انا بس قلت بما معناه انك انت اللى بعيد ومبالغ شوية ، احنا اصحاب اصحاب جدا حتى لو متقبلناش يا سونة ، طب طلع كتاب كدا وانت تشوف

ريم القمر الله يبارك فيك أصلى فرحانة باللوك دا عشان انا اللى اكتشفته بنفسى وعرفت اعمل حاجات كتير لوحدى ، اشكرك يا قمر وحاضر هادخل اشوف الشغل عندك

أكرم ، ياعم بتغيب كتير ليه كدا ومتظهرش الا فى المواسم والاعياد الله يبارك فيك ويارب

سهــى زكــى said...

احمد شافعى حبيب قلبى ، والنعمة بتنورنى حتى لو بتقطمنى ، مقبول منك كل حاجة عشان خاطر العمر اللى بينا بس ، وخاطر ادهم ابننا ( محدش يفهم غلط طبعا ) ايه بقى الدقن دى موضة جديدة ولا ايه عموما قمر فى كل الاشكال
وبعدين لازم اخد على خاطرى لما الاقى كل المطربات المصريات بالتحديد طول الوقت مش هامهم غير الحبيب وهجر الحبيب والاغانى الوطنية الساذجة لمناسبات الحزب الوطنى كل سنة ، مش عايزنى اخد على خاطرى ، لما الاقى مطربة بالجرأة دى بتقول احنا اهه لبنان غصب عن كل الدنيا وعلى ارضكم مصر بغنى لبلدى وبأعلى صوتى ، فى حين انهم بيتهببوا برا يغنوا لاى حاجة تانية الا مصر

رفيع .... مش كدا والنبى


كريم بهى ، الله يبارك فيك وفعلا ماجدة الرومى احساس يغنى

تائه فى الدنيا ، اهلا بك منور