نونو فى اول يوم مدرسة

Tuesday, October 16, 2007

عيد ميلاد البنت التى طارت

ثلاث شهور
بنتى حبيبتى ضنايا روح قلبى نهنوه تخيلوا سنتين عدوا بسرعة من عمرها النونو ورغم كدا متهيألى انها من الاطفال القليلين قوى اللى فقدوا ناس قريبين منهم قوى وهما فى السن دا
ستو فى 5/1/2006

بابا بكر
فى 21/2/2007

وللقليلين اللى ميعرفوش نهى اتولدت امتى اتولدت يوم
19/10من سنتين يعنى 2005 كان يوم أربع مش جمعة زى المرة دى ، أول ما نزلها الدكتور من بطنى وكانت عملية قيصيرية مؤلمة ، فجأة أفقت من البنج وانا أشعر بوخز الخياطة فى بطنى على صراخ طفلتى وانا اصرخ فى مشهد لا اصدقه انا حتى " بنتى بنتى "



سنة و10شهور فى اسكندرية

ثم دخلت فى البنج مرة أخرى ، لقد كسر لها الطبيب رجلها اليمنى من عند الورك بالتحديد وتخيلوا معرفتش امسكها خالص ، ولا ارضعها زى الناس ولا اغيرلها ولا اى حاجة ، ووقت ولاتها كعادة القدر الشهيرة كانت ولادتها تمهيدا لموت أمى رحمة الله عليها


نهى تشاغب وهى عام تمام

، المهم كى لا استرسل فى تفاصيل تخرجنى من احساسى بفرحتى بعيد ميلاد ابنتى جميلة جميلات الكون كما اراها وهى البنت التى قاومت كسر قدمها النونو فطارت كما تنبأ لها محمد بكر الله يرحمه


نهنوه تصلى وهى 9 شهور

فى كتاب الاطفال الذى اهداه لها خصيصا قبل وفاته بعنوان " البنت التى طارت " يارب يا نهى تطيرى لاحلامك يارب وتكون ايامك احلى من ايامى ويكون اصدقائك اوفى من اصدقائى وتكون امناتك محتملة
التحقيق يارب
يخليكى ليا ويخلينى ليكى
بس


نهنوه تدعوفى اسكندرية

نهنوه عام ونصف فى ماك



نهنوه تعانى من اخى محمد


نهنوه تنتقم من خالو امد


نهنوه تتسأل

نهنوه تتخذ قرارا

نهنوه تنفذ القرار


نهى ونهى تانى
















26 comments:

د. ضياء النجار said...

العزيزة نهى،

يا ستي عقبال عمر سيدنا نوح، زي ما والدتي دائما بتدعي لنا في أعياد ميلادنا. ويخلي ليك ماما ويخلي أيامك أسعد من أيامها، ويخلي أيامك معها أسعد الأيام.

تحياتي

وكل سنة وأنتم طيبين.

ضياء

حسن ارابيسك said...

كل سنة وانتم مع بعض طبين
كل سنة وانتم مع بعض قريبين
كل سنة وانتم مع بعض أختين
كل سنة وأنتم مع بعض حلوين
كل سنة وانتم لبعض في ضي العين
كل سنة وانتم لبعض متسندين
كل سنة وانتم في ايدين بعض ماسكين

حسن أرابيسك
أعتذر لانشغالي
وأشكرك لسؤالك
ثم عندي مشكلة في الباسوورد

سهــى زكــى said...

د. ضياء
صباح الجمال والخير والحب والكلمات الجميلة كلها ، كل سنة وانت بصحة وعافية وعقل منور جدا يارب يارب

سهــى زكــى said...

حسن ارابيسك ... حمدالله على السلامة اخيرا رجعت من الغيبة الطويلة بسلامة ، يارب دائما كدا منور بريشتك وازميلك وشعرك الرقيق كل المدونات قادر ياكريم ، كل سنة وانت بتزورنا يا حسن

د. ضياء النجار said...

و"عقل منور"، جميلة قوي يا سهى، وحأمن على دعائك وأقول آمين ليا ولكل المصريين والعرب!!!0

تحياتي لك وقبلاتي لنهنونه

ضياء

سهــى زكــى said...

د. ضياء النجار

بجد بتمنى من الله ينور عقول ناس كتير قوى زى ما عقلك منور كدا بجد وانا كمان بزيد امين امين امين بارب العالمين

Ahmed Shafie said...

كل سنة وانتو الاتنين طيبين يا سهى. وعقبال عشرات السنين السعيدة

reem said...
This comment has been removed by the author.
reem said...

كل سنة وانتم طيبيين وكل سنة ونهوهة منورالك الدنيا وكل سنة وحياتكم تكون مليانة بالسعادة كل سنة وانتم اقرب لبعض ربنا يخليكم لبعض وكل سنة وانتم طيبيين ومتجمعيين ربنا يخلليكم لبعض ويسعدكم

Akram said...

كل سنة و أحلى نهى فى الدنيا فرحانة دايماً و كنت مفتقد إنى اخش على مدونتك


أكرم العوضى

تسـنيم said...

كل سنة وهي فرحة عمرك يا سهى

ربنا يكرمك فيها يارب ويباركلك فيها

كريم بهي said...

بصراحة انا اسف
لانشغالى عن المناسبة دى بس ظروف والله يا سهى

اما نهنوه يارب يا ربنا تكبر وتبقى اكبر مننا وتبقى احلى من مامتها بكتييير
ربنا يخليهالك يا سهى ومتنسيش انا بشرتك
بالاديبة نهى بكر

كل سنة وهى طيبة وهابقى اكلمك
ولها عندى مفاجأة قريبة
هابى بيرز داي نهنوه

كريم بهي

الساحر said...

السلام عليكم ..

كل سنة و انتوا الاتنين طيبين

كل سنة و انتي طيبة

وكل سنة و هي طيبة

وكل سنة و ... هو فاضل حد كمان :)

أما عن الهدية , فكما جاء في الأمثال ,
ان العيد مش ينفع ندي للناس فيه العيدية و الهدية , طبعا العيدية بس..

طيب عشان ما اضربشي هاستأذن أنا و أروح اكمل قراءة المسلسلات العربية دي , فظيعة ..

برب ..
وليا تيت تاني ..

سلام..

الساحر..

سهــى زكــى said...

أحمد شافعى ، أبو أدهم ، ازيك يا جميل كل سنة وانت ألد اصدقائى اللى بيضحضحونى ويحبطونى لكن برضه بيساندونى ، بجد يا احمد انت متعرفش سعادتى اد ايه بتعليقك الرقيق المفاجىء دا ..جبت الرقة دي منين يا واد

سهــى زكــى said...

ريم ... كل سنة وانت صحبتى انا ونهنوه ودايما معانا يارب برقتك وطيبتك الملائكية دى ...

باسم شرف said...
This comment has been removed by the author.
باسم شرف said...

نهي الشقية العسولة
كل سنة وانتي طيبة
ربنا يخليهالك ويهديها والنبي

....
الاطفال احباب الله .. فقط

سهــى زكــى said...

أكرم ، ياااااه ايه الغيبة الطويلة واحشنا والله منور المدونة وكل سنة وانت طيب

سهــى زكــى said...

تسنيم ... ازيك يا قمر واحشـــــنى وكنت متخيلة انك هاتقوليلى تعالى بورسعيد كلى جمبرى وكابوريا ابتهاجا بعيد ميلاد سعيد لنهى ، لكن معلش السنة الجاية انشألله ، كل سنة وانت وسوسوسو طيبين

سهــى زكــى said...

كريم بهى ... كل سنة وبنها طيبة على فكرة الواد فاوست جاب لنهى هدية عسل اوى ...اشكره لما تشوفه

سهــى زكــى said...

الساحر ... حاولت اتعرف عليك من المدونة لقيتها لسه مش مفتوحة ، فرصة سعيدة جدا شرفتنى ونورتنى وكل سنة وانت ساحر يا ساحر

سهــى زكــى said...

باسم ... ازيك يا قمر كل سنة وانت صديق لطيف وهادى وبشوش وابتسامتك الخلابة دى منورة الدنيا ، يارب يهديهالنا يارب احنا كلنا ، علشان مترهكش فى عيشتك وتطفشك من التكعيبة ..

الساحر said...

احم
تيت
عدنا

انا و الله جديد على المدونات , الكائن الغريب ده , حاولت اروضه فيم دونة جديدة , اتمنى انها تعجبكم ..
و اتمنى إن الكائن الغريب ده يكون صبور عليا ..

بس صعبة المدونات على فكرة في صنعها , في حاجات مش عرفت اعملها , و ربنا يسهل و أقدر اعملها ..

تحياتي و معذرة على التطفل ..
الساحر..

fawest said...

على اللة هديتى تكون وصلت
وعجبتها مع إنى مكنتش أعرف بعيد ميلادها
كل سنة ونهنوة بخير و الف سلامة

Akram said...

بجد مفتقد كتاباتك طحن مش معقولة لما ارجع اخش تانى متكتبيش بجد من الحاجات الأساسية عندى مدونة أ\سهى زكى

أكرم العوضى

سهــى زكــى said...

اهلا بك يا ساحر منور وابقى بص على جارتك الساحرة الشريرة لتفسير الاحلام


فاوست هديتك وصولت طبعا واسمه دوج

اكرم العوضى ، والله بتوحشنا وبيوحشنا كلامك الجميل دا ، منور يا جميل