نونو فى اول يوم مدرسة

Wednesday, September 12, 2007

رمضان فى سنتين


رمضان اللى فات

ريحة السما المستخبى فى السحاب مستنى اول الشتاء ، وريحة الزرع الاخضر
فى الطريق الطويل المؤدى للمكان المرعب اللى انا رايحاه ، ريحة القطن والشاش والديتول ،
ريحة أكل مكالهوش ابدا ،
ريحة الشوارع فى الوقت دا بالتحديد بفتكرنى بالوقت دا ... ماما ...
رمضان اللى قبله ..
محمد فى رمضان اللى فات ...رمضان اللى فات كان مر على رحيل أمى للسما السابعة عام
الا شهرين تقريبا
وبدأ محمد يتخنق من جدران المستشفى ورائحة البنج ويكره سنون الابر ،
ويضيق نفسه بقناع الاكسجين ،
وزادت حدته على نظرا لعدم وجود انسان غيرى يراه طول الوقت ،
وبدأت نفسيته تتأخر ،
دخل المستشفى الكثيرين عليه وخرجوا اما بالموت واما بالشفاء ،
حتى ابو طه الفلسطينى اللى جه
عشان يعمل لطه الولد اللى عنده 7 سنين عملية فى عينه اليمين عشان
كان فيها ورم خبيث
واتضح بعدما شالوا العين وركبوا واحدة جديدة انه كان ورم عادى
وكان هايخف بالادوية ،
وكتب عن طه قصة نزلت فى اخبار الادب وقتها واصرانى اجيبله فانوس وانا رايحله
كان زى دلوقتى
كدا ليلة الوقفة وتانى يوم اول فطار " أوعى تيجى من غير فانوس طه " حاضر يا محمد
كان مونسه جدا وكان راجل مؤمن قوى بقضاء الله وقدره رغم انه اتأكد من ا
لخطأ الكبير
اللى وقع فيه الاطباء الا انه قال معلش "نصيب يا أستاذ محمد هانعمل ايه بقى
"وكان معبر رفح وقتها مقفول ، لاول مرة يدعى محمد من قلبه ان المعبر ميفتحش
وابو طه ميروحش ،
كنت دائما اروح الاقيه نفسيته اهدى قاعد جنب الشباك الاخضر الطويل يتامل النيل ،
انا كرهت المستشفى وكرهت الشباك دا وكرهت النيل , تصدقى ان امك وحشتنى قوى ،
انا مش مصدق انها راحت خلاص ومش راجعة الله يرحمها واحتفلنا بعيد ميلاد نهى اللى هو
فى 19/10 مع بعض فى المستشفى تمت عام وهو فى طريقه لانهاء اخر عام له فى الدنيا ...
فى الفترة دى بالتحديد فى رمضان اللى فات يعنى كان معانا وبيسأل علينا دائما .
..د.علاء الاسوانى و صديقتى البيضاء جدا نهى محمود صاحبة مدونة كراكيب اللى قابلتنى انا
ومحمد قبل ما
يدخل المستشفى على طول لانها كانت بتفكر تنشر كتاب وحبيت تسألنا بما اننا كان
لنا تجربة سابقة وبعد التعارف تحصل الازمة فورا فتقف جنبنا نهى بشكل
غريب لم اتوقعه من صديقة تعرفنا عليها توا ، ولم نرى بعض جيدا
ولكن هى استطاعت ان ترانى انا ومحمد وجعلتنا نعشقها
ومسابنيش طول فترة المرض الصديق الحبيب نائل الطوخى الذى لم
يتخلى عنى فى هذه المرحلة أبدا وحتى الأن وصديقى الفنان الجامد محمد صلاح العزب
والشاعر التقيل قوى قوى وائل السمرى الشاعر السكندرى المميز عمر حاذق
غير ناس بنها وشباب بنها أحمد عامر ومحمد على عزب ، وكذلك ، وأنجى السعدنى
البنت النيليةعلى أصوله اللى كنت كل ما اتزنق عشان لازم اروح اعمل حاجة لمحمد
اقولها تعالى والنبى المتشفى اقعدى معاه شوية لغاية ما اجى ، الاقيها فى اقل من نصف
ساعة موجودة بواجبها واشترت لمحمد تليفزيون صغير
عشان يسليه فى مرضه ، واى حاجة يطلبها يلاقيها
تنويه تانى مهم جدا سبق قلته
الناس دى مهمة قوى انى اديهم حقهم لأنهم بجد يستهالوا
على الاقل انى اتكلم عنهم ..
مش لازم نستنى الناس تموت
او تعيا أو ابقى مشهورة جدا وعالمية عشان يستضفنى
حد ويسألنى ايه وعملتى ايه فاقعد احط رجل على رجل وابتدى
اتكلم بقلاطة وانزحة وبتاع ثم انا اصلا مبعرفش احط رجل على جل
عشان قصيرة
وكدا يعنى ...عاجبكم ولا مش عاجبكم براحتكم
الحلقة الخامسة
بعد وفاة بكر حبيبى رحمة الله عليه ظهر بنى أدمين حقيقين مكنش عندهم
فرصة للتواجد منهم الاستاذ / محمد هاشم اللى فورا بادر بطلب شغل محمد علشان
ينشوروا ويديلوا حقه اللى مقدرش ياخدوا وهو عايش والصديق المخلص فهد بن نايف الدبوس
الذى عرض المساعدة لطبع الاعمال الكاملة لمحمد حسين بكر .. الحلقة السادسة
فى انتظار المجهول ، ترى من سيبقى ، ومن سيذهب ، ما الذى سيحدث عندما تنزل
روايتى الاولى " جروح الاصابع الطويلة " لا ادرى ...
لكن ترى بعد كل صخب المشوار الماضى سأجد فى وحدتى احدا ...
سأجدا لأبنتى سندا عموما
انا أؤمن بأن الوحدة خير من جليس السوء ، واننى السند الوحيد لأبنتى ولنفسى ...
نصحتنى صديقتى القاصة الجميلة منال السيد الا اعلن اعتزازى بوحدتى ،
وان الاصرار على اننى لا احتاج لاحد ، سيعقبه عقابا كونيا بأن أظل وحدى
حتى الموت
ترى هل خوف الصديقة العزيزة على سيجعلنى اقر
واعترف بأننى لا استمتع بوحدتى تحت أى ظرف ...








2 comments:

حسن ارابيسك said...

زعق الوابور وشق الزحام
وانا وحبيبي قلب الزحام
زعق الوابور وشق القلب في النن
نزف القلب أشعار على السرير بتئن
واتسبلت عنيه وراح اللي كان بيحن
زعق الوابور وخد واحد
وساب مننا واحد
ياعزيز عيني وانا أمتى اشوفك تاني


زعق الوابور وشق الزحام
وانا وحبيبي قمر الزحام
زعق الوابور وشق القمر نصفين
والقمر اللي عاش قمر صبح هلالين
والواحد الصحيح اتقسم اتنين
زعق الوابور وخد واحد
وساب مننا واحد
ياعزيز عيني وانا أمتى اشوفك تاني


زعق الوابور وشق الزحام
وانا وحبيبي حلم الزحام
زعق الوابور وشق الحلم شق
وخد احلى ما فيا وحطه في شق
والشق كان رحيم طبطب عليه ورق
زعق الوابور وخد واحد
وساب مننا واحد
ياعزيز عيني وانا أمتى اشوفك تاني

سهــى زكــى said...

أرابيسك ... ما اسهل ان يمر القطار علينا ، يأخذ منا ويعطى لنا أو يمر ولا يكترث لنا اساسا