نونو فى اول يوم مدرسة

Monday, September 3, 2007

قصة حياتي الادبية " الحلقة الثانية"

مرة كدا وانا قاعدة لا بيا ولا عليا مع الاستاذ / مسعود شومان والاستاذ /طارق امام والاستاذ /فؤاء مرسى على قهوة التكعيبة ، سمع الاستاذ فؤاد طارق وهو بيسألنى وانتهى سؤاله بأسمى...سهى ، فسألنى هو


- أنت أسمك سهى أيه ...
- اسمى سهى زكى ...
- لأ اسمك بالكامل ايه ...
- سهى زكى عبد المنعم مصطفى ...
- طب انا فى حاجة كدا هاتأكد منها وهأرد عليكى وفعلا بعد يومين فوجئت به بيقولى انى كسبت فى المسابقة المركزية لهيئة قصور الثقافة المركز الثالث .. وللعلم المركز الاول حجب ، وعلى فكرة كمان كان فيه مناقشات عليكى كتير والناس كان عاجبها شغلك جدا ... طبعا مقدرش اوصفلكم طرت من الفرحة ازاى ، اول جائزة أخدها من غير ما اعرف حاجة عنها ، غير انى رحت قدمت الورق بس ونسيت اساسا ، فتقدير زى دا بالجمال دا وبالمفاجأة دى كان مرعب بالنسبة لى ...مش موضوع الناس موضوع الفكرة نفسها انى اكسب فى مسابقة معرفش عنها اى حاجة ... غير انى بس قدمت الورق وانا متأكدة من انها مش فى الاعتبار لان ببساطة الناس اللى بتبعت كتير أوى

وفعلا بعدها بشهرونصف تقريبا كان الاستاذ / مسعود شومان ساعتها اللى بيحضر لحفل تسليم الجوائز وتسلمت الجائزة من وزير الثقافة فاروق حسنى على مسرح الجمهورية وكان احتفال غاية فى الروعة ...







الى اللقاء فى الحلقة الثالثة ...

7 comments:

طارق إمام said...

(:
دايما جميلة يا ام نهى

Akram said...

أيه دا وليه متخديش أول يعنى
:(

أكرم العوضى

كريم بهي said...

ممممممممم
طيب واحنا نعملك ايه
البركة فى حبيبى طارق امام وفؤاد مرسى

nael said...

مش متأكد من فهمي للبوست دا يا سهى وعلاقة طارق امام بيه

انتي عاوزة تقولي ان دا هو كل دور طارق امام في حياتك؟ انه كان قاعد معاكي في القهوة؟؟؟؟؟؟؟؟؟؟

وهي دي الحلقة اللي هتكتبيها عنه


ارجوكي يا سهى
والنبي
ما تكتبي عن دوري في حياتك

سهــى زكــى said...

يااااه يا طارق ...أد أيه كلك ذوق على فكرة يا طارق انت لسه كتير اوى بس دى مراحل مينفعش اهزر فيها ، ولا أيه رأيك ... واللى بينا ماكنش شوية ، دا احنا اكتر من الاخوات وبعدين انت كنت فى وقت من الاوقات اقرب صديق ليا بس الزمن بقى نعمل ايه ، ينفع افوت الصداقة دى كدا ؟

أكرم العوضى ، مشوار مش طويل لكنه اثر فيا وحفر كل خطواتى وةة

كريم بهى ... ياكريم مشوارك هايكون أهم جدا جدا


صديقى الحبيب نائل الطوخى ... لأ يا خفيف ، باين لازم حد يفكرك ان طارق امام رغم الخلاف اللى كان بينا واللى كان سببه واحد عدو لطيف للانسانية صاحبنا الا اننا اصحاب من قبل ما تتولد فى الحياة الادبية يا نئول وطبعا مش هو دا كل دوره وطبعا هايتكتب عنك هايتكتب عنك ، كل جرائمك كلها

كريم بهي said...

لا لا لا لا
يا ام نهى انا كنت بهذر بس
لكن طبعا معروف انك تستحق ان تون الجايزة كلها باسمك ولا ايه

دايما بالتوفيق حبيبتى
ومستنى الحلقة التالتة

كريم بهى

fawest said...

شئ مثير للاهتمام فعلا
ابسط يا عم طارق
اديك طاعت فى سيرة الاديبة سهى زكى
بشرة خير(لى)و كلة بثوابة