اسكندرية

الاثنين 13/8/2007
ذهبت باحثة عن الغسل المرجو ، لم يطل البحث ، رغم عدم معرفتى للسباحة إلا أننى غطست فى عمق البحر وكأن نداهة البحور سحبتنى ، أخذنى ساكن هناك خلع عنى ملابسى الضيقة الخانقة ، وضعنى كما ولدتنى أمى فى قوقعة جميلة وكبيرةو لبعض الوقت ثم فتحها .. قال لى
- أذهبى أنت الان صالحة للعيش بينهم
- عقلى لم يبق فيه احد ، هل هذا طبيعى ؟
- احمدى رب هذا البحر ان عقلك اصبح نظيف
- قلبى لا اشعر فيه الا بالنبض
- هذا هو دور القوقعة ... لا أحد فى قلبك ، لا احد فى عقلك . أنت الان جديدة ، انتقى ما لعقلك الجديد وما لقلبك الجديد
لم أرد صراحة أن اصعد ثانية للسطح ، لكنه اخبرن ان اصعد لأن لدى مهمة يجب ان أنجزها ..
فهذا الغسيل الذى تم له هدف لن تدركيه الان
أذهبي صديقتي ، لست وحيدة ، فقط أنت إنسان جديد
- لا تنتظرى أبدا
- لا تتعجبي أبدا
- لا تبكى أبدا
فقط انطلقى طيرى فى سمائك ولا تتوقعى ان يرسل عليك من سمائك ما تريدينه ، مدي يدك القصيرة للسماء .. طولى اقرب نجمة وضعيها فوق سريرك البسيط واجعليها تضىء لك ولتلك القطعة الجميلة منك .
سبعة ايام غسلوا عمرا قصيرا من الاحلام الضائعة ومسحوا من على جبهتى بلاهة الواقع ، اشكر الله ان الاسكندرية هنا
وان ابى واختى هنا ، وان ابنتى هنا ، هنا ، هنا فى قلبى وليذهب كل شىء كل شىء الى لا شىء .
استلقى على كرسى خشبى رائع الملمس ، أتأمل امواج البحر اللاهثة للشاطىء ، ترى ما الذى يفرحها او يزعجها ، لماذا تجرى الموجة ورا الموجة ، اعتقد انها لا تريد ان تطولها ، بل تريد ان تنهى مشوارا بدأته من نقطة لا نعرف بدايتها لتنتهى لمكان نعرفه تطلع من داخلى اغنية لـ"وجيه عزيز" الذى يشاطرنى هذه الأيام هو ومحمد منير .
الحزن شاطر
والفرح شاطر
والبحر غادر
هاقوله حاضر
انا لسه قادرفى الحزن افرح

الأنفوشى
الثلاثاء 14/8/2007
الساعة 7 مساءا
للبحر هدوء غريب ، المراكب هادئة أيضا ، السحب تظللنى ، تنام جميلتى بهدوء جانبي بعد أن صنعت ضجيجها المعتاد وتناوبتها ايادى المتعطشين لحنان بكِر وملس على شعرها الكثيرين ، بعــد ان رفرفرت على البحــــر
-ماما...ماما.. السما ... البح .. انزل...
- لا ...
بكت كثيرا لمنعها من نزول البحر ، ثم نامت وانا اغنى لها ...
الهواء يطير شعري القصير ، سبعة أيام فى جنة الاسكندرية ، طولا وعرضا جبتها تطاوعنى يد صغيرتى تماما

المرسى ابو العباس
الاربعاء 15/8/2007
بجانبى كلب ينبح نباح موجعا ، يقف تحت سور عال ، ينبح بصوت مؤلم وموجع تماما كأنه ينادى أحدا لإنقاذه ...
ينظر له فتى فى العشرينات ، يريد تحقيق رغبته لكنه يخاف الاقتراب منه ، اهمله وابتعد .. لا احد يريد ان يقترب من الكلب ولا زال ينبح ، ترى ما الذى يريده الكلب من اعلى السور ولماذا اختار هذا المكان بالتحديد من البحر لينبح منه ، مكان ليس به امواج ولا اسماك ولا شىء .



قلعة قايتباى
الخميس16/8/2007
مزيكا ناعمة جدا .. أضواء بعيدة تداعب خيالاتى المستمرة ، إحساس رائع بالوحدة أصوات الناس تاتي وشيش فى اذنى ، لا أرى أحدا ، فقط نهى كعادتها ترفرف بملائكتها ، قلبى يرقص على المزيكا الناعمة بلا توقف لسبب لا اعلمه ربما يحدث لى شيئا جميلا فى الأجواء البعيدة
.


قصر ثقافة الأنفوشى – 11 صباحا
الجمعة 17/8/2007
يجذبها ذلك الرجل الصوفى الذى يهيم كالدراويش فى ملكوت مصنوع بمهارة هى الشخص الوحيد التى يتقى الله فيه ، لم تجذبه يوما كأنثى ، انما كسيدة مختلفة قليلا عن الموجودات ، هو لا يجيد الحب ولا يفضل الطويلات النحيفات ربما لقصره ، هو يعشق الطويلات البيضاوات الممتلئات ، رغم ادعائها الشفافية الا انها لم تفهم ...
لماذا تصدق الدراويش فقط ولها رجل يخاف منها وعليها ولها ويراعيها ستعرف قيمة ذلك الحضن التى تراوغه فى وقت لا ينفع فيه الندم ، لن تنتبه الآن ، بعد قليل جدا ، سيذهب الدرويش لعاهراته ويرحل رجلها المغيب بلا رجعة ثم تجلس وحيدة تنعى حظها وهى تقرأ رسالة زوجها الذى غادر البيت توا "عزيزتي الإنسان الحقيقي لا يعيش مثل الفئران يختبىء بجحر ثم يخرج خلسة ليخطف قطعة جبن ثم يعود
"




السيالة- رأس التين
السبت 18/7/2007
الولد حزين تماما ... ينظر فى سماء الله الواسعة ، لا ينتظر طيورا نورانية ولا يحلم بالتحليق . لا يتمنى النزول لعمق البحر ، او ركوب سفينة تذهب به الى نهاية العالم
الولد حزين تماما ، هو فقط ينتظر عشقا يخطف قلبه ويطير ... يجبره على التحليق
الولد حزين تماما .. بعد ان تعشق فى حبيبته اكتشف انها ليست هى
ماذا يفعل الان بعد ان اعلن ذلك ؟!
الولد حزين تماما ... وسيظل حزين حتى
............





الاحد 19/8/2007
طريق العودة الزراعى

أن مقدرتش تضحك
متدمعش ولا تبكيش
وان مفضلش معاك غير قلبك
اوعى تخاف
مش هاتموت
هاتعيش
وان سالوك عن ضى
فى عينك مبيلمعش
قلهم العيب مش فيا
العيب فى الضى
وانا مش عاشق ضلمة
ولا زعلت الضى
مسير الضى وحده هيرجع
ومسير الضحك لوحده هايطلع
مبيجرحش ولا يأزيش
ان مقدرتش تضحك
متدمعش ولاتبكيش

شكرا لوجيه عزيز الذى صاحبنى من اول الرحلة لاخرها ...




تعليقات

الشجن
ذلك الذي يخدش قلوبنا الذائبة فلا نملك الا الاستسلام له
كلماتك ساحرة موجعة تتلمس دفء وفرحة غابت وغسل لأرواح أضناها الحنين
حمد لله على السلامة
‏قال تــسنيـم
كنت داخلة اسأل عليكي ... افتقدتك بمعنى الكلمة ومستغربة اختفائك وفيه حاجات تانية عايزة اسأل عنها بس مش هينفع على الملأ


البوست كافِ للرد عن بعض الأسئلة ولكن مازال هناك الكثير


اعتنِ بنفسك من أجلي ... ومن أجل نهى


قبلااااااااااااتي
‏قال كريم بهي
كنت محتاج لأن ابكى فى حضن كلماتك
ابكى .. ابكى .. ابكى
خذينى سهي .. خذينى
الى مراعى احزانك
لكى ابكى على صدر احساسك
امسحى دموعى
لا .......
ليس بيديك ارجوكى
اين قلبك الحنون الدافئ بالشجن
امسحينى من ذاكرة هذة الدنيا
واكتبى لى شهادة ميلاد
فى دنيتك البعيدة
ابعد من انفاسى
القريبة كملامح قمر

سهى لازلت ابكى
ابكى
ابكى
لا .. دموعى هى ايضا تبكى
البكا ذاته يبكى
من منا لا يبكى ؟؟

كريم بهي
‏قال soha zaky
نهنوه الجميلة ..الله يسلم قلبك من الوجع والشجن يارب ...ربنا يخليكى ليا يا بيضا اوى اوى

تسنيم ... وحشتينى اوى يا تسنيم ، أنا بمب يا قمر متقلقيش عليا انا برج القوس والبرج دا برج نارى يا سوسسو .. يعنى مفيش حاجة تطفى نارى ابدا ولا ترجع سهمى مكانه ابدا ، ومفيش اى حاجة تقلقك خالص اطمنى جدا انا فاتحة دراعاتى للهوا والمياه والنور والحب وكل الحاجات الحلوة ...متقلقش...انا بجد بحب ربنا قوى قوى لأنهن حامينى قوى قوى ...
‏قال soha zaky
يا كريم يا بهى ... انت بتدينى اكتر من حقى اوى اوى ، ربنا يكرمك يا رب ويوفقك ويسعدك وتبقى شاعر مشهور جدا على اول السنة انشألله ، بس اتحرك بقى واخرج من عندك لاحسن انت هاتموت قاعد كدا ... اخرج من البيبان الحر الضيقة الكون صابح جميل والدنيا مروقة ...
‏قال Reem
سهى وحشتينى اوى وكنت قلقانة عليكى والحمد لله اطمنت عنك
حمد الله عالسلامة ياقمر ويارب دايما تكونى بخير وتكون نهى دايما اكبر حافز ليكى انك ماتستسلميش لآى احباط أو حزن وتكونى انتى حافز لنفسك زى مابتشجعينى بكلامك لازم تشجعى نفسك وتقومى من بعد اى احباط او حزن تقومى اقوى واحسن مش عارفة اقولك ايه بس كلمة قولتيهالى الزمن مش هوا اللى بيعدى احنا اللى بنعدى
يلا بقى ربنا يجعل ايامك كلها خير وسعادة وحب وتحققى فيها كل احلامك وبجد بجد وحشانى اوى واحتجت لكلامك ليا الايام اللى فاتت دى اوى
ربنا يسعدك ياقمر ويخليلك نهى
‏قال كريم بهي
سهى .. ميرسى على كلامك الجميل
بس دا حزء من حقك صدقينى
انا بشوف فيكى انسانية ببريق الحنين والدفئ
انتى ممكن تكونى اله من الزمن اللى وحشنا اوى
وانتى الرمز لكل حاجة ممكن تطمنا على ان الامل موجود
سهى انا مش بولول صدقينى
لكن خوفى من انى اندبح ودمى يتناثر على وجه الصبح اللى بتقولى عليه
لكن انا دايما بحاول وش قاعد
وكفاية انى بسمعك واشوفك لحد دلوقت
واوعدك اى جاى وبقوة انشاء الله اللى بحبه اوى

انت اجمل من فراشات السحر
من كريستالات الحب

كريم بهي
‏قال S H A H
تحفة تدوينك في يوم 13/08 و القوقعة اللي حصلك فيها كل النقاء ده

اهلا بيكي مرة تانية في عالم البشر
انتي فعلا عروسة بحر بالاحساس الجميل ده يا سهى

بجد كان من اجمل ما قرات قليل قوييييييي اللي عرف يكتب عن يومياته بالصورة الروحانية دي

على فكرة, زيارتك ليا كانت التانية و شكلك نسيتي

وشرفتيني في الاتنين يا سهى بجد

هكمل عندك بقى شوية كدة اشوف العقل الجميل ده كاتب ايه؟؟

و سلام مؤقت
‏قال S H A H
جميلة قوي اغنية البلوج عندك يا سهى


صحيح

عملتي ايه في الامتحانات السنة دي؟


باس و لا؟؟

ان شاء الله تكوني توفقتي
‏قال علوة
لأول مرة في حياتي لا أستطيع التعليق بشيء محدد، أو بلغة محددة
فكيف أعلق على نسيج شديد الترابط من المشاعر والأحاسيس ؟
على عقل أظنه لا يكف عن التفكير
على فن لابد أن يُقدر
يا نهار أبيض ؟ ده انا مش عارف أعلق أقول ايه بجد
:))
وطالما فقدت النطق حين التعليق
فممكن استخدم عضلات ضهري
وأنحني احترما

حقيقي تسلم إيدك
‏قال fawest
ذكريات بحرية
الدرويش دة عينة تدب فيها رهاصة و
كما بينقى
على فكرةالمرة القادم لن اعق
كفاية على القراءة
انا مش ناقص








يا مااااااااااماااااااااااااا
انا عاوز اروح اسكندرية
‏قال أكرم يعقوب
هيييييييييييييييه
بجد بقول هيييييييه من قلبى كل يوم ادخل عشان الاقى حاجة تكلم قلبى ملاقيش بجد كنت زعلان أوى و قولت كل دى غيبة طاب حتى دى متبقاش أخلاق فرسان تسيب الناس كدا و على حين هرة بس فجأة لقيت قلبى بيكلم و بيتكلم بجد انتعشت فى وسط حالة الكآبة اللى أنا فيها كنت مستنييك من زماااااااااااان موووز يعنى بجد كلام مقدرش أقول عنه غير إنه جامز جداً و بعد كدا ابقى قوليلنا انك هتسيبينا فترة عشان أخلاق الفرسان

أكرم العوضى
‏قال أكرم يعقوب
و وجيه عزيز و منير يااااااااااااه حيث الزنجفة كلها اتنين ملهمش أيتها حل

أكرم العوضى
‏قال تامر حسين
فعلا موضوع جميل جدا جدا جدا
اتمني زياره مدونتي اكون شاكر
تحياتي
‏قال soha zaky
ريم ... ولو فى يوم راح تنكسر لازم تقوم واقف كما النخل باصص للسما

كريم ... انت ياد عارف لو مشفتكش فى خلال عشر سنين هاقطع علاقتى بيك خالص

شااااااه ... يا دى الهنا يا دى النور ، معلش اظاهر كدا انه يالا حسن الختام ، جيتلك ونسيت انى جيتلك ، على فكرة مدونتك فكرتها لطيفة اوى ومهمة ، انا بحب الناس اللى عندها ارادة حديدية زيك كدا ، وانت قمر فى كل الاحوال يا شااااه ... وبعدين اظاهر كدا بقينثا جيران على طول ... اهلا اهلا والنبى خلى بالك من البت على بال ماروح مشوار واجى
‏قال soha zaky
شاااااه .... الامتحانات دا سؤال برضه طبعا نجحت فى مادتين ونزلت فى مادتين ولا ايه وبعدين انت عرفت ازاى ها ها ... قول اعترف

علوة ... كلامك خلا قلبى يرتعش من الكسوف ، انا مش عارفة بجد أقولك ايه ...اشكرك يا علوة ويارب دائما كدا كلامى يمسك وتحسه ويعجبك

كريم العوضى ... تصدق بقى انى بجد عرفت اد ايه انا غالية عندكو .. بجد يا كريم متعرفش كلامك بيشجعنى اد ايه ، شكرا جدا ...ومتقلقش بعد كدا هاقول
‏قال soha zaky
أكرم العوضى .... انت ايه رأيك مش بالزمة الاثنين دول لو فضلوا مع بعض كانوا كسروا الدنيا
على فكرة يا اكرم انا بجد ممممممممممممممتنة

فاوست ... بشوفك على التكعيبة يا لئيم بتقعد كدا عامل نفسك مش واخد بالك من حد

تامر ... اهلا بيك وهازورك والنبى يا شيخ لا هازورك
‏قال S H A H
نهى في عينيا بس يا ريت تسيبيلنا كمية سيريلاك تكفيني و تكفيها

انا بعشق السيريلاك ده لغاية دلوقتي

والله لولا الملامة كنت جبته بصورة شهرية زي النيدو و اللحمة كدة :))))))))))

سلام مؤقت
‏قال fawest
الحقيقة خفت
حد يعتقد انى اتطفل عليك
ودة ادب مش خجل
بس انهاردة لما شفتك مع نائل وطارق وكنت قابلتهم مرة واحدة قبلا
قلت بلا ادب بال دياولو
ولما قعت لقيتها بزرميط
يعنى عاطل منعرفش بعض إلا من المدونات
وكمان على التكعيبة
‏قال soha zaky
شاااااااه......نهى جابتلى هسهس فى نافوخى وجننتنى وقررت اخلص شغل واروح على البيت بعد كدا لأنها أدبتنى صح ، على فكرة نهى كفيلة بأعطائك النشاط المفقود هذه الايام ، وذهاب وجع درسك ليحل محله وجع النافوخ الدائم ... وعلى فكرة الصورة دى من شهرين تقريبا ، لكن فى صور احسن منها والله بس مش عارفه انزلها ...

فاوست ... نورت القعدة امبارح وعلى فكرة متقلقش قوى كلهم كانوا وهما صغيرين زيك واكتر كمان عاطلين عاطلين يا ولدى وعلى فكرة طارق امام انسان شيك جدا لأنه عرض يساعدك بجد مش هزار ودى حاجة مكنتش متوقعاها منه بصراحة ، الناس دى بنى أدمين عندهم مشاكل كبيرة جواهم لكن بيقاوموها ، وربنا يقدرهم
‏قال S H A H
صورة ايه اللي من شهرين؟؟ لخبطتيني خالص كدة يا سهى!؟

قصدك اللي في البروفيل؟ انا فكري انها ابيض و اسود و متلونة جديد!؟

ونهى تعبها يبقى راحة, هيا كم سنة دلوقتي

الاطفال بعد سن 3 سنين بيتحولو لمجرمين حرب

سلام مؤقت
‏قال soha zaky
شااااه ... هى الصوة فعلا متلونة لكنها كانت الوان برضه مش ابيض واسود وعلى فكرة انا مش عاجبانى اوى الصورة لأنى مش بشعة اوى كدا ، متهيألى انى الطف شوية ، لكن انا مخلياها عشان نهنوه فيها بس وهاغيرها قريب انشألله
على فكرة نهنوه هاتم سنتين فى 19/10 وهى مجرمة حرب حقيقية من ساعة ما اتولدت وربنا يستر عليا قادر يا كريم ...

المشاركات الشائعة من هذه المدونة

العراف الاعمى

الشذوذ الجنسى

القنفذ