أفرك عينى جيدا ، اليوم يبدو جميلا
الهواء والشمس وابنتى
أبى وأختى ومحمد بكر
سمعت اذاعة القرأن الكريم
لن أذهب لماشطة الشعر
لن احلم بالغرق والنجاة
لا يقترب احد من ابنتى
احب كل الناس
كل الناس تحبنى
افرك عينى جيدا ، اليوم لا يبدو جميلا
وجع قلبى يزداد كل يوم
ارتدي الاسود مرة أخرى
الدموع لا تهدأ فى العين
لابد من ارتداء نظارتى دائما

سهى زكى
15/7/2007

تعليقات

‏قال حسن ارابيسك
أتسال
تتركين نفسك تغوص في بحر عميق من الحزن ..عميق
ولا تتركين لقلبك فرصة للإمساك بطوق نجاة وهو غريق
تتركين نفسك كسفينة ضللت طريقها في بحور مظلمة كئيبة
وأستسلمت لهذه العتمة وسط أمواج عاتية كالجبال ..
جبال من الخوف والقلق والحرمان وعدم الطمانينة للغد
أهو إحباط وإستسلام لذلك اللون المعتم الأسود
لون إمتص منكي كل الوان الفرح والطمأنينة والراحة
لون معتم غير الكثير في لوحتك التشكيلية
لوحة كنت تعرفين كل تفاصيلها
لكنها أصبحت الأن قاتمه وقتامتها أكلت كل التفاصيل الجميلة باللوحه

ووسط كل هذه العتمه .. فهناك قبس صغير ساطع في سماء لوحتك
ادركتي أن عليكي المقاومة والتشبث به ليس من أجلك
ولكن لتزداد رقعة هذا الضوء في لوحتك
حتى يصير قمراً تتزينين به في ايامك القادمة
‏قال تــسنيـم
طب النضارة هتخفيكي عن الناس لكن مش هتخفيكي عن نفسك ونفسك أهم يا سهى
‏قال كراكيب عادل
طيب ونهي

ملهاش ذنب تشوف النظارة السودا دي

ولا اي شئ فية سواد

خليها تشوف ابتسامتك

وارسمي معاها المستقبل
‏قال أكرم يعقوب
لا ليست هذه هى أستاذة سهى التى كنا نمضى فى قرآتها أحلى المشاعر و اللحظات ليست هذه هى صاحبت تلك الروح الجميلة المداعبة لهواء النسيم من حولها ليست هى تلك الإنسانة التى تبتسم للحياة و تقاوم كل آلامها فى قوة تُحسد عليها انت لست انت هل يمكن أن يحدث هذا؟؟!! فجأةً تتغيرين إن الدنيا لن تنتهى بعد و الهروب لن ينفع و لكن التوكل على الله و الاتكال عليه هو ما سينفع الإستعانة بالأناس الذين يحبون لنا كل الخير ستفيد و لكن هذه ليست الأستاذة سهى و أقولها أستاذة فى فنون الحياة ننتظر سهى التى عرفتها من كتاباتها سهى التى تطربنا بروحها الجميلة ننتظرها بشدة

أكرم العوضى
‏قال soha zaky
أرابيسك .. انت بجد كلامك واصل قوى جوايا ، اشكرك جدا على احساس الفنان العالى ، وانا فعلا هازود رقعة النور عشان تبقى قمر حياتى ...شكرا يا حسن

تسنيم ... فين سهى .. شايفة كل الناس وكل حاجة حاسة بيها الا هى ...

عادل ... نهى بجد هى الانسان الوحيد اللى شايلنى على كتفه وماشى بيا

اكرم ...انا بجد مش عارفة اقولك ايه ... كلامك دا بيحملنى مسئولية انا حاسة انها اكبر منى لكن منكرش انك فرحتنى اوى بالكلام دا ...
اشكرك جدا يا اكرم ... وربنا يديم علينا نعم اللقاء على المدونة جميعا ..


بجد كلكم جريتوا الدم فى شرايينى المتجمدة من تانى
‏قال حسن ارابيسك
سهى زكي
لا شكر على واجب
ده اقل شئ لإنسانة فنانة
تمتلك مثل هذا الإحساس الحي فلديكي رُقي في الكلمة المعبرة والصادقة بجد فنانة تملكت أدواتها عن تعب وكفاح وجهاد مع النفس والكلمةوالبشر والأزمنة والأمكنة
فكانت التجربة صعبة وثقيلة وثُقل التجربة كان أكبر من سنوات عمرهاسنوات عجاف من كل الإحاسيس الممكنة لكي تستمر الحياة ولكن لكونك من آولي العزم لم تبركي كجملٍ إستسلم بعد تيه ومشقه وحمل ثقيل على صنمه فبرك واستسلم لرمال صحراء ساخنة ملتهبه
فتمخضت التجربة بعد هذا الطلق الصعب والعنيد
عن إنشودة وملحمة من صراع المشاعر والكلمات كان لها عُشاقها من المدونين وكان لي الحظ أن أقف بين هذا الحشد لإتعلم ولو حرفاً واحدا
‏قال أكرم يعقوب
بجد منتظرين سهى اللى نعرفها من جديد أنا كل يوم بدخل على المدونة عشان أشوف التدينة الجديدة بس مبلقيش مستنيييييييييي أوييييييييييييييي التدوينة عاوز حاجة تدخل دماغى و تعمل دماغ و تفنكش الفناكيش بجد مستنينك أويييييي

أكرم العوضى
‏قال كريم بهى
رســـالـــة

وكأنك تخافي ان تحفرى مجرد بسمة فى وجهك
لازالت الخزعبلات تحتل منك عالما فسيحا للغاية .. والاحلام المرعبة والكوابيس
لازلت انت غريقة فوق سطح الماء .. فوق سطح السماء ..فوق سطح النظارة السوداء والحمراء والخضراء
لازلت انت سهى زكى التى تتجرأ على اى شئ .. كل شئ الا ان تنظر لسهى المبتسمة
لكن انت فعلا مبتسمة رغم العواصف والاعاصير والبراكين والانهيار والنار والغليان والثلوج المتراكمة والدمع الحائر بلا حيرة ...
انظرى الى نهى انها بسمتك التى لاتغيب .. ولن تغيب ابدا ابدا
حب الناس .. محمد بكر .. الشمس ....

(( ومش يمكن العيب انك لسه بتفركى عنيكى زى العيال))
ويارب تكون النظارة من غير عدسات احسن

سهى زكى .. انت جنين فى رحم دنيا منعرفهاش لسه هتيجى لدنيتنا عشان تكونى انت المهد المنتظر فى بسمته

قولوا يارب
كريم بهى
‏قال Reem
سهى تعالى نشيل النضارة اصلى كمان زهقت منها وحسيت انها بتخنقنى عايزة ارميها او اعمل فيها اى حاجة او اقولك اخليها بعيد عنى شوية

ايه الحكاية بقى هوا فين كلامك ليا حاسة ان كلامك ليا مش بتعمليه طيب اعمل ايه وانتى مش بتعملى الكلام اللى حاولتى تشجعينى بيه وتقفى معايا بيه يلا بقى نشيل النضارة شوية حتى

ولو شيلتى النضارة اوعدك انى كمان هشيلها
‏قال حواء
انا اول مرة ادخل عندك اسلوبك حلو اوى واحساسك عالى بس انتى عندك حق .. فى اوقات بنحس فيها ان احنا عايزين نلبس نضارة سودة لكن مش عشان ندارى دموعنا واحزاننا عن الناس , لا دى عشان نكون جوة نفسنا اكتر ونحس بعالمنا الخاص حتى واحنا وسط الناس والاحساس ده بنحتاج له اوى فى وقت من الاوقات .. تحياتى و ان شاء الله مش حتكون آخر مرة
‏قال شيمـــــاء
مبروك على التظابيط
المزيكا و الصور و الحركات
والله و اتشقينا
بس انت لاقيتى الباسوورد ازاى
انا مكنتش لاقيها

بس اكتر حاجة بسطتنى منك
اغنية زى الهوا
‏قال soha zaky
ارابيسك ، انا بجد حاسة اننا عارفين بعض كويس ازاى معرفش ، كلامك جميل اوى وبحب الطريقة دى فى الكتابة
‏قال soha zaky
يا اكرم ، انا خلاص هانفذ والله لا نفذ ومفيش كلام تانى بالشكل دا قول يارب
‏قال soha zaky
ياكريم با بهى يا بتاع بنها انت ، مبروك النجاح واول الدفعة يا جميل الف مبروك ويارب دائما كدا اصحاب
‏قال soha zaky
ريم احب اقولك على معلومة مهمةجدا تخيلتى ان نهنى كسرتلى النظارة السوداء بتاعتى ، دا بجد والله وعلى فكرة بقى فهمت الرسالة وهاخرج هاخرج هاخرج ، عايزا تحصلينى ماشى ..
‏قال soha zaky
بوسى كات ... فرصة سعيدة جدا جدا ، ويارب دائما يعجبك ما عندى وتنورينى دائما
‏قال soha zaky
شيماء العزيزة الغالية صاحبة الفضل فى انشاء المدونة ، اشكرك جدا الله يبارك فيكى والاروبة مودى هو اللى ساعدنى فى التظبيط دا وعلى فكرة انا طبعا اللى بختار الاغانى والحاجات التانية وزى الهوا اغنيتى المفضلة وفكرة زى الهوا فكرة تجنن اصلا
‏قال mahmoud
أزال المؤلف هذا التعليق.
‏قال soha zaky
أشكرك يا ووودى النودى كونودى ربنا يخليك ويبارك فيك ويعلى مقامك قادر يا كريم .... ويسترها معاك دنيا واخرة يا مودى يا بن ام مودى يارب

المشاركات الشائعة من هذه المدونة

العراف الاعمى

الشذوذ الجنسى

القنفذ