نونو فى اول يوم مدرسة

Wednesday, July 18, 2007



أفرك عينى جيدا ، اليوم يبدو جميلا
الهواء والشمس وابنتى
أبى وأختى ومحمد بكر
سمعت اذاعة القرأن الكريم
لن أذهب لماشطة الشعر
لن احلم بالغرق والنجاة
لا يقترب احد من ابنتى
احب كل الناس
كل الناس تحبنى
افرك عينى جيدا ، اليوم لا يبدو جميلا
وجع قلبى يزداد كل يوم
ارتدي الاسود مرة أخرى
الدموع لا تهدأ فى العين
لابد من ارتداء نظارتى دائما

سهى زكى
15/7/2007

19 comments:

حسن ارابيسك said...

أتسال
تتركين نفسك تغوص في بحر عميق من الحزن ..عميق
ولا تتركين لقلبك فرصة للإمساك بطوق نجاة وهو غريق
تتركين نفسك كسفينة ضللت طريقها في بحور مظلمة كئيبة
وأستسلمت لهذه العتمة وسط أمواج عاتية كالجبال ..
جبال من الخوف والقلق والحرمان وعدم الطمانينة للغد
أهو إحباط وإستسلام لذلك اللون المعتم الأسود
لون إمتص منكي كل الوان الفرح والطمأنينة والراحة
لون معتم غير الكثير في لوحتك التشكيلية
لوحة كنت تعرفين كل تفاصيلها
لكنها أصبحت الأن قاتمه وقتامتها أكلت كل التفاصيل الجميلة باللوحه

ووسط كل هذه العتمه .. فهناك قبس صغير ساطع في سماء لوحتك
ادركتي أن عليكي المقاومة والتشبث به ليس من أجلك
ولكن لتزداد رقعة هذا الضوء في لوحتك
حتى يصير قمراً تتزينين به في ايامك القادمة

تسـنيم said...

طب النضارة هتخفيكي عن الناس لكن مش هتخفيكي عن نفسك ونفسك أهم يا سهى

كراكيب عادل said...

طيب ونهي

ملهاش ذنب تشوف النظارة السودا دي

ولا اي شئ فية سواد

خليها تشوف ابتسامتك

وارسمي معاها المستقبل

Akram said...

لا ليست هذه هى أستاذة سهى التى كنا نمضى فى قرآتها أحلى المشاعر و اللحظات ليست هذه هى صاحبت تلك الروح الجميلة المداعبة لهواء النسيم من حولها ليست هى تلك الإنسانة التى تبتسم للحياة و تقاوم كل آلامها فى قوة تُحسد عليها انت لست انت هل يمكن أن يحدث هذا؟؟!! فجأةً تتغيرين إن الدنيا لن تنتهى بعد و الهروب لن ينفع و لكن التوكل على الله و الاتكال عليه هو ما سينفع الإستعانة بالأناس الذين يحبون لنا كل الخير ستفيد و لكن هذه ليست الأستاذة سهى و أقولها أستاذة فى فنون الحياة ننتظر سهى التى عرفتها من كتاباتها سهى التى تطربنا بروحها الجميلة ننتظرها بشدة

أكرم العوضى

سهــى زكــى said...

أرابيسك .. انت بجد كلامك واصل قوى جوايا ، اشكرك جدا على احساس الفنان العالى ، وانا فعلا هازود رقعة النور عشان تبقى قمر حياتى ...شكرا يا حسن

تسنيم ... فين سهى .. شايفة كل الناس وكل حاجة حاسة بيها الا هى ...

عادل ... نهى بجد هى الانسان الوحيد اللى شايلنى على كتفه وماشى بيا

اكرم ...انا بجد مش عارفة اقولك ايه ... كلامك دا بيحملنى مسئولية انا حاسة انها اكبر منى لكن منكرش انك فرحتنى اوى بالكلام دا ...
اشكرك جدا يا اكرم ... وربنا يديم علينا نعم اللقاء على المدونة جميعا ..


بجد كلكم جريتوا الدم فى شرايينى المتجمدة من تانى

حسن ارابيسك said...

سهى زكي
لا شكر على واجب
ده اقل شئ لإنسانة فنانة
تمتلك مثل هذا الإحساس الحي فلديكي رُقي في الكلمة المعبرة والصادقة بجد فنانة تملكت أدواتها عن تعب وكفاح وجهاد مع النفس والكلمةوالبشر والأزمنة والأمكنة
فكانت التجربة صعبة وثقيلة وثُقل التجربة كان أكبر من سنوات عمرهاسنوات عجاف من كل الإحاسيس الممكنة لكي تستمر الحياة ولكن لكونك من آولي العزم لم تبركي كجملٍ إستسلم بعد تيه ومشقه وحمل ثقيل على صنمه فبرك واستسلم لرمال صحراء ساخنة ملتهبه
فتمخضت التجربة بعد هذا الطلق الصعب والعنيد
عن إنشودة وملحمة من صراع المشاعر والكلمات كان لها عُشاقها من المدونين وكان لي الحظ أن أقف بين هذا الحشد لإتعلم ولو حرفاً واحدا

Akram said...

بجد منتظرين سهى اللى نعرفها من جديد أنا كل يوم بدخل على المدونة عشان أشوف التدينة الجديدة بس مبلقيش مستنيييييييييي أوييييييييييييييي التدوينة عاوز حاجة تدخل دماغى و تعمل دماغ و تفنكش الفناكيش بجد مستنينك أويييييي

أكرم العوضى

كريم بهى said...

رســـالـــة

وكأنك تخافي ان تحفرى مجرد بسمة فى وجهك
لازالت الخزعبلات تحتل منك عالما فسيحا للغاية .. والاحلام المرعبة والكوابيس
لازلت انت غريقة فوق سطح الماء .. فوق سطح السماء ..فوق سطح النظارة السوداء والحمراء والخضراء
لازلت انت سهى زكى التى تتجرأ على اى شئ .. كل شئ الا ان تنظر لسهى المبتسمة
لكن انت فعلا مبتسمة رغم العواصف والاعاصير والبراكين والانهيار والنار والغليان والثلوج المتراكمة والدمع الحائر بلا حيرة ...
انظرى الى نهى انها بسمتك التى لاتغيب .. ولن تغيب ابدا ابدا
حب الناس .. محمد بكر .. الشمس ....

(( ومش يمكن العيب انك لسه بتفركى عنيكى زى العيال))
ويارب تكون النظارة من غير عدسات احسن

سهى زكى .. انت جنين فى رحم دنيا منعرفهاش لسه هتيجى لدنيتنا عشان تكونى انت المهد المنتظر فى بسمته

قولوا يارب
كريم بهى

reem said...

سهى تعالى نشيل النضارة اصلى كمان زهقت منها وحسيت انها بتخنقنى عايزة ارميها او اعمل فيها اى حاجة او اقولك اخليها بعيد عنى شوية

ايه الحكاية بقى هوا فين كلامك ليا حاسة ان كلامك ليا مش بتعمليه طيب اعمل ايه وانتى مش بتعملى الكلام اللى حاولتى تشجعينى بيه وتقفى معايا بيه يلا بقى نشيل النضارة شوية حتى

ولو شيلتى النضارة اوعدك انى كمان هشيلها

bocycat said...

انا اول مرة ادخل عندك اسلوبك حلو اوى واحساسك عالى بس انتى عندك حق .. فى اوقات بنحس فيها ان احنا عايزين نلبس نضارة سودة لكن مش عشان ندارى دموعنا واحزاننا عن الناس , لا دى عشان نكون جوة نفسنا اكتر ونحس بعالمنا الخاص حتى واحنا وسط الناس والاحساس ده بنحتاج له اوى فى وقت من الاوقات .. تحياتى و ان شاء الله مش حتكون آخر مرة

shaimaa said...

مبروك على التظابيط
المزيكا و الصور و الحركات
والله و اتشقينا
بس انت لاقيتى الباسوورد ازاى
انا مكنتش لاقيها

بس اكتر حاجة بسطتنى منك
اغنية زى الهوا

سهــى زكــى said...

ارابيسك ، انا بجد حاسة اننا عارفين بعض كويس ازاى معرفش ، كلامك جميل اوى وبحب الطريقة دى فى الكتابة

سهــى زكــى said...

يا اكرم ، انا خلاص هانفذ والله لا نفذ ومفيش كلام تانى بالشكل دا قول يارب

سهــى زكــى said...

ياكريم با بهى يا بتاع بنها انت ، مبروك النجاح واول الدفعة يا جميل الف مبروك ويارب دائما كدا اصحاب

سهــى زكــى said...

ريم احب اقولك على معلومة مهمةجدا تخيلتى ان نهنى كسرتلى النظارة السوداء بتاعتى ، دا بجد والله وعلى فكرة بقى فهمت الرسالة وهاخرج هاخرج هاخرج ، عايزا تحصلينى ماشى ..

سهــى زكــى said...

بوسى كات ... فرصة سعيدة جدا جدا ، ويارب دائما يعجبك ما عندى وتنورينى دائما

سهــى زكــى said...

شيماء العزيزة الغالية صاحبة الفضل فى انشاء المدونة ، اشكرك جدا الله يبارك فيكى والاروبة مودى هو اللى ساعدنى فى التظبيط دا وعلى فكرة انا طبعا اللى بختار الاغانى والحاجات التانية وزى الهوا اغنيتى المفضلة وفكرة زى الهوا فكرة تجنن اصلا

MOODY said...
This comment has been removed by the author.
سهــى زكــى said...

أشكرك يا ووودى النودى كونودى ربنا يخليك ويبارك فيك ويعلى مقامك قادر يا كريم .... ويسترها معاك دنيا واخرة يا مودى يا بن ام مودى يارب