نونو فى اول يوم مدرسة

Wednesday, May 23, 2007

دش ماء بارد


دش ماء بارد
-1-
ما اسهل القسوة ، انها تمر هكذا من اول نغزة الرقبة مرورا بمنتصف الصدر لتنغرز فى ذلك الكائن تحت البطن ، ما اسهل القسوة انها ببساطة تجرح وتقتل وتصيبك بالضمور الدائم فى مشاعرك حتى تظهر يوما ما الطيبة تلك المختبئة فى قلوب غاية فى التعقيد ، فلا تظهر الطيبة ولا تسقط بخيرها عليك بسهولة القسوة ... !
-2-
ببساطة سأقوم أنا السيدة غير المرئية لأرقص وسط الصالة الكبيرة على أنغام موسيقى جنائزية .. لن يتسأل أيا منهم .. ماذا تفعل تلك السيدة ؟
لن يجرمنى أحد أو يلقى على احد طوب أو طماطم أو يمنعنى احدهم من الرقص لأنه مجنون وكافر ! ألتقط أنفاسى بعد طول الرقص ، ألقى بنفسى تحت ماء الدش البارد ، أركن رأسى المزدحم بأفكار لا قيمة لها إلا لى ... أترك الماء يخرم تلك الرأس التى آذتنى بلا رحمة .. سأترك الماء يلملم شعرى ليبدو كخصلة واحدة ربما تسقط إذا شدها أحدهم بقسوة .. أخرج من تحت ماء الدش البارد عارية ، أقف أمام تلك المرأة بطولى ... أتفحص ملامح ذلك الجسد الذى لم يرى النور خارج جدار ذلك المربع الصغير .. ما هذا الشعور .. لاشىء ..
-3-
علينا ان نمنح للحياة فرصة لتستمتع بنا .. فما هذا الذى يدور هناك .. ناس تسيرعارية من الخلف تقبل ببساطة ان يدفع المارة داخل خلفياتهم عصيان غليظة ولا يتألمون .. لا أعرف لماذا لا يتألمون ؟!
-4-
يجلس هناك ذلك الشبح المغتال منذ القدم ينظر لى نظرة تخرق ذلك الخوف المسكون بى ... هل تعرف يا شبحى ان نظرة الرعب تنهى الاحساس به وبعد لحظات سأعتاد على الرعب ذلك الاحساس الذى ينتاب الاطفال عند رؤيتهم للملائكة الاشرار وهم يخطفون منهم أمهاتهم وأبائهم ...
-5-
ليس من الطبيعى أن أجلس وحيدة أحتسى زجاجتين من البيرة وعلبتين من سجائر السوبر وانظر للفراغ بدمع يخنق أوردتى ويحفز مسامى على الصراخ ليس غريبا بالمرة أن أندفع بعد طول تأمل لأن ألقى نفسى وسط الصالة لأرقص ثم أعود بخطوات ثقيلة لحضن تلك البراءة وأنظر لعينها نظرتى الدامعة المعتادة ، أدخل تحت "دش الماء البارد "....

28 comments:

تسـنيم said...

لا ليس من الطبيعي..

ولن تستطيعي بدش ماء بارد أن تمحي عن جسدك وعقلك تلك الأفكار التي تهاجمك وتقتل روحك رويدا رويدا


اتركيها جانبا من أجل صاحبة العيون الجميلة التي تنظر إليكي بكل براءة وهي لا تعلم شئ


محبتي

reem said...

مش عارفة اقول ايه؟ بس زى مقالت تسنيم مش هتقدرى بدش ماء بارد ان تمحى كل الافكار اللى تهاجمك
بس ممكن بدش ماء بارد ترتاحى شوية بس هترجعى تانى من بعد الدش البارد للافكار اللى بتهاجمك

مش عارفة اقول ايه حاولى تبعدى عن الافكار دى وخير ان شاء الله
تحية منى ليكى على البوست الجميل

هبة said...

السلام عليكم ياسهى ايه اخبارك ولو ان من البديهي ان من اللي انت كتباه اني اعرف ما بك بلغة الادب الحديث اشعران ما بداخللك تناقض وان هذا التناقض بسسب ما بداخللك من افكار متعدده ومتناقضه في ان واحد بمعنى اصح صراع وليس دش الماء البارد الذي سيهدا من هذا الصراع الذي يجول بداخللك وليس الرقص ايضا هداي من روعك واتركي الافكار القاسيه جانبا وانظري الى وجه نهنوه الصغنونه زي ما قلتي قبل كده وهتنسي قسوة الدنيا ومشاكلها انا كل ما تقسى عليا الدنيا انظر بوجه ابني عبدالرحمن وبعدها احس بعدم وجود اي مشاكل والجا الى ربنا وبعد كده انظم افكاري واقدر احل مشاكلي وانت كمان اعملي كده واطلعي من مود الكابه الفظيع ده
هبة محمود

هبة said...

بس انا عاوزه اعرف بالرغم من جرأتك الفظيعه وهزارك وخفة دمك الرائعة جواك جزن فظيع بس متهيالي ان مما قرات من قصصك انك كل ما تلاقي الحب يضيع منك بس انت بتلاقيه فما باللك باللي بيدور على الحب ومش بيلاقيه ابداولا من ساعة ما كتبتي جوع ومرض ووجع قلب اتقلبت عليك المواجع انا اسفه ان كنت قد تجاوزت قليلا

KING TOOOT said...

إغسلي أفكارك المخنوقة فيكي
إهربي من مستقبلك أو من ماضيكي
إطلقي درعاتك المحبوسة جنبك
تلقي أحلامك بقت مابين أيديكي
و عجبي
ــــــــــــــــــــ
KING TOOOT

سهــى زكــى said...

يا تسنيم وحشتينى جدا .. متقلقيش عليا اول ما تلاقينى طلعت الجوايا كتابة اطمنى قوى قوى ... ربنا معايا ومعايا نهنوه...

يا ريم يا قمر .. الأفكار دى مش انا اللى باجيبها ، دى بتجرى فى العروق والاوردة والشرايين حاجة كدا ربانى ، لكن زى ما قلت لتسنيم متقلقيش عليا

العزيزة هبة أولا ربنا يخليلك عبد الرحمن وبالمعلومة دى أتأكدت أنك شايفة ازاى كلامى وفاهماه ازاى من جوا قوى ...لكن مد الكأبة ملازمنى وكأنه بقى حتة منى والكتابة دى مبحسش بيها الا لما اقراها بعد كدا فبكتشف انها شبه الحالة اللى كتبتها فيها .. كلى ثقة فى ربنا متقلقيش ...

كدا الردود الحريمى خلصت

اما الشاعر الجميل كنج توت هاحاول فى شعرك جرعة حماس وتفاؤل يحركوا الحجر اشكرك

reem said...

ربنا معاكى ياسهى بس حاولى ترتاحى شوية باى طريقة مش عايزة الافكار دى تهاجمك كل شوية وتتعبك المفروض انصح نفسى بس بجد حاولى ترتاحى

نفسنا said...

تم أفتتاح العدد الأول من مجلة نفسنا
نتمنى منكم زيارتنا

كريم بهى said...

يتحلم بالدنيا اللى وحشانا
وفاكر انها دنيانا
وتروح فين من ايامك
وتروح فين من لياليك

سيبك م الحزن ..همومنا
وتعالى نخطى برة الكون
نعشق .. نحب
لا لا لا
نتحب بس بجنون
ونرجع تانى فى ايدينا فرحتنا
لما نضيعها
تضيع ؟؟؟

كريم بهى

سهــى زكــى said...

ريم حاولت وفشلت ... وبحاول

كريم بهى ... حاضر حاضر حاضر

reem said...

ربنا معاكى

Shreif fahmy said...

بعيد عن جو المجاملات الخانق
أحب أقول اني مبسوط لوجودي في مدونتك
بدعوكي لزيارة مدونتي ويهمني اعرف رأيك عن ثلاث محاولات متواضعة للكاتبة
وياريت تقبليني صديق في مدونتك
وإليكي ياسيدتي ثلاث روابط لمحاولاتي الكتابية
http://sfahmy78.blogspot.com/2007/05/blog-post.html
http://sfahmy78.blogspot.com/2007_04_01_archive.html
http://sfahmy78.blogspot.com/2007/05/art-1958.html

Luna said...
This comment has been removed by the author.
Luna said...

العزيزة سهى:

انا مش عارف اشكرك ازاى على كلماتك الرقيقة، وربنا يعلم اني انا فرحان ان بقى لي في الدنيا مش اخت واحدة، لا اتنين ويمكن ثلاثة واربعة لأن مجتمع البلوج ده اللي انا اتعرفت عليه عند شيماء ينطبق عليه فعلا المثل القائل "اخوان الوداد اقرب من اخوة الميلاد".

واسمحيلي اعلق على رائعتك "دش ماء بارد". اسلوب كتابتك هنا يذكرني باديب الماني ظل لسنوات كثيرة غير مفهوم من القراء والنقاد ولازال إلى الآن صعب على الفهم لكثير من الألمان، هذاالأديب اسمه فرانز كافكا ( والاصح فرانتس كافكا)، ومن اشهر اعماله المترجمة إلى العربية "في مستعمرة العقاب" وهو اشتهر بقصص التحول،سواء تحول الانسان لحيوان او حيوان لانسان. وانا اكاد ازعم ان المشاعر التي عبرت عنها في "دش ماء بارد" هي رغبة من رغبات التحول التي يمر بها الانسان طوال عمره، وهي مشاعر طبيعية لا ارى سببا في محاولات قمعها ، كما طلبت هذا منك بعض التعليقات، وربما في خلفيات لا اعلمها على المستوى الشخصي ، لكن انا حكمي ينطلق من النص الذي قرأته وعجبني ايما اعجاب.

يقول ايليا ابو ماضي:

قال السماء كئيبة وتجهما
قلت ابتسم يكفي التجهم في السما
قال السماء جرعتني علقما
قلت ابتسم ولئن جرعت العلقما
قال السماء لا تسعد انسانا
أتى إلى الدنيا ويذهب مرغما
قلت ابتسم فانك بعد لن تتبسما

"علينا ان نمنح للحياة فرصة لتستمتع بنا"، فعليكي ان تمنحي نفسك فرصة لتستمتعي انتي بالحياة. والموضوع بسيط أكتبي أكتبي اكتبي، حتي لو كتبتي "تحت دش ماء بارد".

تحياتي واحتراماتي
ضياء

عمرو غريب said...

بالفعل موضوع جميل احيكي علية

Mirage said...

انا كنت عايز اسألك هو فى علاقة بين الحظ السىء جدا دائما فى الكوتشينة وبين اى حاجة تانية

سهــى زكــى said...

الزائر الجديد/ شريف فهمى
اشكرك جدا جدا على ثقتك الغالية فيا انى ارى كتابتك واشكرك على زيارتك اللى يارب دائما يعجبك الشغل كل ما تدخل ...

lunaطبعا عارفه كافكا واول مرة حد يقولى انى بكتب شبهه ، وسعيدة جدا بالتعليق الناضج اوى ده ودى حاجة تخلينى اكتب اكتر واكتر واكتر وانا باحاول ازورك لكن واضح انى عندى مشكلة فى جهازى ... لكن هايحصل واشكرك جدا جدا

العزيز عمرو غريب ، أشكرك على زيارتك ويارب تتكرر

ميراج
ايييييه انت روحت وقلت عدولى ، ايه الاخبار تمام ولا ايه وعلى فكرة انا باشوف الكوتشينة وشايفة ان الحظ السىء فى الكوتشينة له علاقة باى حاجة تانية ...

Luna said...

العزيزة سهى:

جهازك ما لوش ذنب، البلوج بتاعي لسه في مرحلة الاعداد، وعلى العموم لما حيبقى جاهز للانطلاق انا حاخلي شيماء تعمل اعلان لجميع الاصدقاء و"الاعدقاء" على حد سواء. على العموم انا عايز ابدي اعجابي مرة اخرى بجملة قريتها عندل في التعريف باهتماماتك : "علاقات انسانية بلا عداء" ربنا يسمع منك ويهدي الناس لبعضها البعض.

تحياتي واحتراماتي

ضياء

سهــى زكــى said...

luna
انا فى انتظار افتتاح المدونة على احر من الجمر لنرى ونسمع ونقرأ ونتكلم ونعمل معارك كبيرة علشان نحافظ على السلام فى الحياة يا ضياء
سهى

Mirage said...
This comment has been removed by the author.
Mirage said...

انا موجود ولهى حتى كنت استنيت تعليقك انتى بالذات على البوست الجديد بس شكلك مشغولة اليومين دول

وانا نفسى حد فعلا يقرالى الطالع بتاعى

.:.-=- ELGaZaLy-=-.:. said...

انا شايف انك بدش ماء قد تستطيعى مواجهة الضغوط

والحياة

Shreif fahmy said...

سيدتي فقط أطمئن فأنا في إنتظار تعقيبك على مجموعة البوستات السابق إرسالها لكي

reem said...

يارب تكونى بخير
مع انشغالى بالامتحانات قولت اطمن عليكى

الربان said...

تحياتي

داخل كل منا تناقضات...و في رأيي انها الصراع بين الخير و الشر داخل كل منا.

يمكن محاولة التقرب الي الله أكثر و أكثر تزيل الكثير من التاقضات التي بداخلنا.

الحياه حلوة تستحق ان نعيشها بدون تناقضات او منغصات...

تحياتي و تقديري

سهــى زكــى said...

ميراج علم وتم التنفيذ وشكرا على ثقتك الغالية

الغزالى أشكرك على مرورك المبهج ونتمنى العودة

شريف فهمى انا حاولت الدخول ولكن يبدو انه في شىء خطأ .. لكن مش هايأس...وهاشوفها يعنى هاشوفها

ريم متقلقيش عليا أنا مش كويسة وهابقى كويسة انشألله ، بمب

الربان زيارة مشرفة ومضيئة ، مركبك منورة على شطى يا جميل

MOODY said...
This comment has been removed by the author.
سهــى زكــى said...

مودى النودى كونودى ، الجنان دا اجمل حاجة فى الدنيا ، بس نعمل ايه بقى فى العقل اللى بيحكم العالم حوالينا ؟!