عندما أصبح صورة


عندما أصبح صورة

للصور طعم الاحزان ، وخاصة الصور التى تصور الاشخاص بأماكن يهجرها الزمن ، الزمن تلك الفكرة الجنونية ، من يمر على من ؟  هل نحن من نمر عليه أم هو الذى يمر علينا ، أكره وأحب الصور ، فالصور تجعل من أحب أمام عينى ومن لا أحب أيضا امام عينى ، الصور تذكرنى بالزمن الذى مر ، وبشكلى الذى مر وبعمرى الذى مر ، تاريخ ، الصور تاريخ ، ولولا انها بالفعل تاريخ ما قام اجدادى الفراعنة بتصوير كل شىء ونحته على جدران مقابرهم وعلى كل مكان تطأه اقدامهم ، كانوا يحرصون على ان تبقى الصورة حتى يرى من سيأتون فى زمن أخر كيف كانوا ومن كانوا ، الصورة شىء مؤلم حقا ربما يتأخر الوقت ويصيبك إحساس باليأس ، وربما تستسلم لحياة لم تحلم بها أبدا لأن هكذا هى الدنيا ، لكن بالتأكيد لن تكون مفاجأة بعد وقت طال أو قصر أن يتحقق حلمك الذي أخره الوقت وآجله اليأس وزحزحه للخلف قليلا فيصيبك " الاستسلام المؤقت" .. فعندما يموت عزيز تمر عليه أيام وشهور وربما سنين لكن ما من شك ننسي الجرح والالم والشعور بالفقد ويختفي وجوده وكأنه لم يكن له وجود ولا نشغل وقتنا احيانا بالتفكير فيه ولو للحظة حتي ولو بقراءة الفاتحة ...الغريب  أننا ونحن علي قيد الحياة نتذكر أنسان ألمنا ويعيش حياته سعيدا وطائرا ومرحا ، يعيش بالفعل ، لكننا لا ننساه ولا نواريه تراب ذاكرتنا، وأنما نتذكره دائما ونحزن عليه دائما ونبكي عليه في الوقت الذي نتجاهل فيه الموت ومن ماته ...عجبا لدنيانا ولعقولنا ولأمزجتنا ولأهوائنا ، أن نبكي علي أطلال علاقة ولا نبكي علي فقدان انسان فى حفرة صغيرة للأبد ... على روح هائمة فى ملكوت الله حتى عودتها فى جسد جديد ..

المهم أنها لن تكون المرة الأولى التى تدق علي أبوابنا الأحزان و لن تكون المرة الأخيرة لبعثرة امانينا وأحلام رفرفتنا كالعصافير في كل مكان ... ليس عجبا اننا نخنقها بأيدينا ، نكسرعكاكيز أحلامنا ، نقع ونرهق أرواحنا بالألم والشوك ، كاذب يا من تقول أن المشاعر ثابتة .. فاليوم رفرفة وغدا سكون ، وبعد غد ربما يصيبنا الجنون ، القلوب الصغيرة الرقيقة لا يغيرها الحزن على العكس تماما فالحزن غذاء القلوب يساعدها على ان تنمو وتتفتح وببساطة شديدة سنطير طائراتنا الورقية من أعلى مكان حتى وان كنا لا نستطيع الامساك بالخيط سيساعدنا الهواء على الطيران وفى عز استمتاعنا بالحياة ستلتقط لنا صورة جميلة ، نعلقها على حائط ايامنا المتعبة ، صورة عندما تراها صغيرتى ، تقول ما اجملها امى ، وما أجمل زمانها ، أنظروا ، ها هى هنا فى وسط البلد ، هؤلاء أصدقاءها ، كانت جميلة رحمة الله عليها.

تعليقات

لو أن ما يتبقى منا صورة
ابتسمي واحرصي على ان تطلع الصورة حلوة
‏قال vetrinary
انا بشكر الفراغ
والصدفه
وسواق التاكسى
اللى جابونى عندك
واوعدك انى اقابلك فى احلامك
بس مش هيحصل غير لما انتا تستنينى
‏قال nour
على فكرة انا كنت بفكر اكتب عن الصور....
حاجة غريبه:)))
انت عندك حق طبعا انا كنت الايام الاخيرة عندى هوس بعلب الصور القديمة اللى عندنا
شوفتها و افتكرت مليون حاجة و ضحكت كتيييير اوى و بكيت كمان
شكرا على البوست الرائع ده
بجد اتشرفت بمعرفتك
‏قال Shaimaa Zaher
إزيك يا سهى..الصور دي فعلا اختراع عجيب، الحاجة الوحيدة إللي ممكن تحسسك إن الزمن اتجمد عند اللحظة دي، وإنك ممكن تستدعي الحالة إللي كنت فيها... بوست جميل يا سهى وكأن فيه صورة كلها شجن مع دفء..تحياتي لك وسلامي لنهى
‏قال soha zaky
كركوبتى الجميلة نهنوه شكرا يا جميل

vetrinaryاشكرك جدا على التعليق الخفيف الجميل اوى ده ... ويارب نتقابل فى الاحلام

نور ...اتشرفت بمعرفتك انا وشكرا ويارب اعجبك دائما

اكليرتى الرائعة شيماء .. اجمل ما فيك يا بنت ان انت فيك من ننتى حنان الام ... قمر يا شوشو
‏قال تــسنيـم
عارفة مش مهم .. المهم ان يبقى لنا شيئا نملكه ..
الصورة دي كانت أجمل اختراع عرفته البشرية.. دي تسجيل للحظة مرت ولم يتبقى منها إلا الذكرى والغصة الموجودة في الحلق والدمعة التي ملأت العين..


كان فيه بوست رائع عند شغف ورد عليه في بوست عند أيات... ادخلي اقريه هيعجبك اووي شغف هتلاقي لينكها على ايدك الشمال في مدونتي..

محبتي
‏قال م
لفتى نظرى لحاجه مهمه جدا ما كنتش ببصلها من الزاويه دى خالص
وهى فكرة الصوره
وكمان عجبنى اوى تعبير الزمن واحنا
مين بيمر على مين
لسه بفكر فى الاجابه
شكرا ليكى على البوست ده
تحياتى
‏قال KING TOOOT
الصورة عمر و العمر مصوراتي خطير
يلقط لنا بإديه ملايين من التصاوير
يعيش يصور لنا أحزانا و أفراحنا
و بس لحظة وفاتنا يبطّل التصوير
و عجبي
KING TOOOT
‏قال كريم بهى
ازيك سهى .. عامله ايه
احنا فعلا كتير بنبقى مجرد صورة فى حقيبة الذكري او كان جميل وكان طيب وكان وكان وكان
موضوع الصورة عاجبنى اوى الحس الجميل اللى خدنا من نفسينا الى ومن دنيانيا لانن نعيش لمجرد صورة ... فعلا اسلوب رائع
‏قال Reem
السلام عليكم

اول مرور ليا على المدونة وعجبتنى جدا بوست الصور

الصور على الاقل لما بكون فى الغربة بتفكرنى بكل حاجة وممكن بترجعنى شوية للذكريات
وعموما انا بعتبر كل حاجة فى الحياة صورة صورة عنى صورة عن الناس اللى حواليا وميت صورة وصورة
‏قال hesterua
الصورة تجميد للزمن
وفى ناس بتحب تفتكر
وناس نفسها تنسى

بوست رائع وكتابتك جميلة بجد
‏قال soha zaky
الغالية تسنيم ... انت انسانة قمر وواضح انك منورة كمان من جوا .. انا هابص على شغف وهارد عليك


أ‌. محمد الهندواى أشكرك على مرورك على مدونتى ويارب تعجبك دائما


كنج توت .. انت انسان وشاعر جامد اوى

كريم بهى .. ربنا يسعدك يارب زى ما بتسعدنى دايما

ريم العزيزة ... يارب اعجبك دائما كدا وشكرا على مرورك الرائع

Hesterua يارب دائما اشوفك هنا

المشاركات الشائعة من هذه المدونة

العراف الاعمى

الشذوذ الجنسى

القنفذ